اشحالكم
بنات انا عندي اخويه في هاي المدرسه هو ف اول بيروح صف ثاني ويوم راحت اميه المدرسه اخر مره تدفعله 2024 اظن حق السنه اليايه الزياده قالتلها مدرسة العربي انا السنه اليايه بيسوون امتحان حق صف ثاني يعني هاي السنه بالانجلش يعني اخويه اذا نجح في الامتحان بيسير ثالث واذا مانجح يتم في ثاني يعني راسب الصراحه مب حرام عليهم ندفعلهم تقريبا 17000 في السنه واخر شي يعيدونه السنه ونفع فلوس غيرها واضيع عالولد هاي السنه فاللي اتعرف هالمعلوومه اتفيدني لانه امي محتاره وايد وتفكر تنقله الشويفات وساعات تقول بدخله مدرسه ثانيه
ادري هذربت وايد
اسمحولي
اسمحولي على الكلام اللي بقوله بس انتو ليش تودون عيالكم عندهم مااشوفهم هم يراكضون عشان عيالهم يدرسونهم في مدارسنا وعقب ماتشوفون منهم شي مايسركم قلتو بتنقلون عيالكم
الاولين تخرجو دكاتره ومهندسين لا من شويفات ولا من راس الخيمه المتحدثه
السموووووووووووووحه اللي مابيعيبها ردي
المشاركة الأصلية كتبت بواسطة خيماووويه 
اسمحولي على الكلام اللي بقوله بس انتو ليش تودون عيالكم عندهم مااشوفهم هم يراكضون عشان عيالهم يدرسونهم في مدارسنا وعقب ماتشوفون منهم شي مايسركم قلتو بتنقلون عيالكم
الاولين تخرجو دكاتره ومهندسين لا من شويفات ولا من راس الخيمه المتحدثه
السموووووووووووووحه اللي مابيعيبها ردي
اول اشي اسمحيلي بعلق على ردج ..شو فيها اذا الام تبا حق بنتها او ولدها احسن مكان للتعليم ..
انا عن نفسي ما يهمني حكومي او خاص بس لي وجهه نظر خاصه فيني من ناحيه تعليم بنتي دورت
و سألت و اخر شي استقريت على خاص ..مش لانه الحكومي شي بلاه ..بس اقتنعت في منهج
المدرسه و في طريقه تدريسهم ..و ارتحت اكثر عن باقي المدارس ..
و بعدين يقولون اللي يقولونه ما عليه منهم انا ادرس عيالي بفلوسي محد له خص سواء عيبهم او
ما عيبهم ..بنتي بيدرسونها غصبن عنهم و ان فرضا اساءوا التصرف في جهات اعلى عنهم اقدر
الجأ لهم ….
ثاني شي ..انا اصلا من دبي بس ريلي من راس الخيمه و بما انه بنتي بتدخل المدرسه قررت استقر فتره في راك ..وووايد سألت عن المدارس الخاصه و الحكوميه ..
المدرسه الانجليزيه مووول ما اقتنعت بنظام تدرسيهم …دخلت بنتي الشويفات ..ماشالله المنهج واايد
ممتاز و بنتي وايد وايد مستانسه ..ماشالله تعرف تتكلم انجليزي ..و تفهم ..و مركزين وايد
على الكتابه ..و حتى اللغه العربيه بادين في حروف الهجاء و مع كل حرف يعلمونها كلمات ..
وايد تعلمت اشيا …مفيده وويد مستانسه و حابه المدرسه مع انه دوامهم طويل ..بس المدرسه عاطينهم
وقت للعب و ياخذون بريكين ريوق و غدا …
و ما عندهم واجبات كل شي تسويه في المدرسه و اخر الاسبوع يعطونج ملف فيه كل الاشيا اللي
تعلمتها و تكون المدرسه كاتبه ملاحظتها اذا الطالب او الطالب محتاج تدريب في شي
المدرسات وايد شرحات و حتى المساعده دومهم مبتسمين و اسلوبهم حلو في التعامل …
احس الشويفات كتأسيس جدا ممتازه …حتى عقب اذا بنقلها مدرسه ثانيه بكون مطمنه من مستوى بنتي
ولد ربيع ريلي في الانجليزيه و يبغي يطلع ولده يقول ما يعلمونهم شي ..روايناه الاشيا اللي تعلمتها
بنتي يقول ما عطوه من هالاشيا و يبغي يطلعه من المدرسه
اذا حابه معلومات زياده ..اسألي و بقولج .
حبوبه البنت ماقالت شي غير رايها ومااعتقد يزعل لان صاحبه الموضوع حاطته وعليها تتقبل كل الانتقادات(ليش هذولا العرب حاشرين نفسهم في مدارسنا… ) هم نبيج سبوه واشتموه فما بالج بعيالنا
على العموم نحنا عارفين تدريس شويفات والانجليزيه مب بس بنتج اللي تدرس فيهااااااااااااااا
واذا بغيت معلومات اكثر راسلني واعطيج مجلد عنها…….