مدرسة النشئ الصالح تعليم الامارات

صح كل مدرسة عندها ايجابيات وسلبيات .. وإيجابيات هالمدرسة أكثر وطاغية على

سلبياتها ما شاء الله ،،

أنا عندي عيالي ما شاء الله من أول سن دخول المدارس دخلتهم هالمدرسة ..

عندي بنتي من الكيجي ون والحين رايحة الجريد تو ،، وولدي نفس الشي والحين رايح

الجريد ون وبنتي الثالثة بتكون هاي أول سنة لها بإذن الله تعالى ،، ولو المدرسة مب

زينة ولا شفت منها فايدة ما كنت جازفت وسجلت فيها عيالي والحمدلله ..

أحسن ما في المدرسة إنهم مشددين وايد على الدين والتربية الإسلامية والقرآن الكريم

( أولوية إهتماماتهم ) وهذا أهم ما يمكن حفره في قلوب وعقول أبنائنا إن شاء الله

وأيضاً يليها اللغة العربية والماث والانجليش والساينس والهيلث والكمبيوتر ما شاء الله

وتدريسهم ما شاء الله ومتابعتهم ما عليها كلام .. بس في شي واحد ما عجبني فالمدرسة

هاي السنة .. التواصل مع أولياء الأمور ( مجلس أولياء الأمور ) كان بس لمرة واحدة فقط

طوال العام الدراسي ..ولو إني ما كنت أتصل للمعلمات أو كنت أسير وأستفسر عن مستواهم

ما كنت عرفت شو مستوى عيالى .. هاي السلبية الوحيدة لهاي السنة فقط ..

بس السنوات اللي طافت ما شاء الله ما عليها أي كلام ..

موفقة يا ربي ،، ^___^