بنات اللي عندها حد بمدرسة الشارجه الامريكيه فرع دبي في الورقاء 1
تخبرني عن المدرسه بليز لاني حابه انقل ولدي كي جي 2 عندهم بس ماعرف شي عن المدرسه
بليز ردوا علي بسرعه عشان باجر باذن الله ناوين انسوي اجراءات النقل
شكرا
الاكاديمية الدوليه مافيها مكان فووول
و المهارات الحديثه و جرين وود مافيهم مكان
و مدرسة دار المعرفه و مدرسة ستار و مدرسة مردف الخاصه رسومهم وايد مبالغ فيها على الفاضي
ماعرف وين اودي ولدي ابي مدرسة يهتمون بالدين و تكون زينه اطمن على ولدي فيها و تكون في دبي في هالمناطق
عود المطينه
المزهر
مردف
المحيصنه
يعني شي قريب من هالاماكن
سااااااااااعدوني بليز
خلف جرين وود
يهتمون بالدين واللغه العربيه
موقعهم
والله كم مره كلمتهم و دايما يقولون ماشي مكان فوووووول و سرنالهم عشان نرمس المديره و ماطاعت تستقبلنا !!!!
والله الود ودي احطه بهذه المدرسه لانها وايد جريبه من البيت
تغير شامل في قسم الكي جي من التلوين والصبغ والصور تهيئة للطلاب
والمدراسات مممتازات سواء الاجانب او العرب استقبلوا بنتي بترحيب والحلويات وبالونات واستكرات شي انت الام بتحبينه وحتى المساعده ممتازة .. والممرضة قريبة من صفوفهم تحسب لاي شي ومسجات دايما يطرشون النا لاي تطور عندهم ..
المنهج .. منهج حلو ومبسط ويعطونا كل نهاية اسبوع الخطة الدراسية للاسبوع الجاي حتى يكون تواصل بينا ..
مثلا في التعليم بنت ماكانت تمسك القلم صح لانها صغيره بس ماشاء الله علموها المهارة مسك القلم بشكل يجنن بسم الله عليها ما تصورت من غير الدين بدؤا بالتوحيد والشهادتين ويقولون بيدون يحفظونهم بس بعدهم…
وانا اشرف عليهم ومتابعه اول باول والدليل الاوراق نهاية الاسبوع ….
ولا تنسين الالعاب والرياضة وحتى الأكل مشرفين عليه يعني اطرش كاكاو أو كيك او جبس مايخلونها تاكله يقولهم للبيت فقط ويكتبون لج طعام صحي فقط ..
والحمام قبل او بعد يغسلون يدينهم قبل الطعام وايد حبيتهم عندهم آداب طعام والمجلس يلعبونهم الأنظباط والترتيب واللعب الجماعي …
وعلى فكرة المدرسة عيال اخوي فيها وعيال خالتي متخرجين من فرع الشارقة عسب جية أتشجعت ادخل بنتي طبعا بعد الاستخارة ..
وانصحج مافي مدرسة مافيها سلبيات من وجهه نظري لان شفت المدارس أغلبها وتشجعت فيها …
واقول لو أتسيرين اتشوفينها والطلاب يدرسون بتاخذين فكرة وبتطمنين أكثر …
والسموحه منج والله يوفق عيالنا ويشرح صدرهم للدراسة