صبـــــــــاح الخــــــــــــير يا أمهات يــــــــــــــــــا حلوات …
بتخبل من كثر ما تميت افكر اليوم في هالموضوع ،،،
الله يسلمكم عندي بنتين الله يحفظهم لي ان شاء الله ويحفظني لهم… ^_^ ويحفظ لنا ابوهم
المهم ان الكبيرة احين بتدش الــــ 4 سنوات ان شاء الله وعلى ما كنت افكر انا انها لازم تروح kg2
ورحنا أمس وسجلناها في مدرسة خاصة
وبنت اخت ريلي بعد في نفس عمر بنتي واتفقنا على ان بنسجلهم في نفس المدرسة عشان يكونون مع بعض ويديرون بالهم على بعض …
فراحت اخت ريلي وسجلت بنتها في الكي جي 1 ،، وما خبرتنا (نست وهي مفتكرة ان نحنا بعد بنسجل بنتنا في نفس الصف) اليوم اكتشفت هالشي سالتنا سجلتوها وحكينا لها هيه سجلناها كي جي 2 قالت ليش، بعدها صغيرة ،، قالت انا سالت المشرفة شو احسن اسجل بنتي 1 ولا 2 ،، المشرفة قالتلها كي جي 1 ،،،
وقالت المدارس الحكومية ما تقبل اتسجل دايركت،، لازم الواحد يدش كي جي 1 لان بيعلمونهم الاساسيات ………
ودار نقاش بين افراد العائلة الموقرة ان الافضل ايروحون كي جي 1 ، لانهم صغار وما يقدرون يتحملون ،، خلهم يبدون ستيب باي ستيب ،، وان عمرهم بيكون 6 سنوات يوم بيدخلون صف اول ،،، وهالشي احسنلهم وريلي اقتنع بكلامهم ويبا يروح يغير ، بس انا مو مقتنعه
وانا من كم شهر وانا يالسة ادربها على الحروف الابجدية والارقام والالوان على انهم بيختبرونها ،، والمشرفة مالت التسجيل ما قالت شي قلنالها نبا انسجلها قالت اوكي راحت رواتنا المدرسة وكل شي ،،،،،، وسجلناها ودفعنا وتم بعون الله ……..
يا أمهات ابا رايكم ،، رأيــــــــــي على صواب ولا لا؟؟؟
أنــــا تميت أقنع ريلي ان ما نغير ،، لان احين اكثر اليهال من عمر 4 سنوات يسجلونهم ،، بنت خالتي عمرها 4 سنوات في كي جي 2 وهي اصلا ما دخلت 1 ،، وحتى اخوها نفس الشي ،، وانا كنت ابا اسجل بنتي يوم كان عمرها 3 سنوات بس امي اقنعتني انها صغيرة وحتى خالتي قالولي مب زين صغيرة وبتتوهق ،، المهم انا اشتغلت معاها في البيت وعلمتها ،،
وحتى امس يوم سرنا المدرسة دخلتنا المشرفة صف كي جي 1 عشان انشوف الاوضاع كيف (صف 2 كان بعيد شوية وكانوا مشغولين) المهم دشينا الصف وااااااااي فديتهم كلهم كانوا صغارية اصغر عن بنتي ويوم سلموا علينا يعني من طريقة كلامهم امبين انهم اصغر ،،
وبنتي مــــــــــــــا شاء الله عليها (بس حبيت اعطيكم نبذه عشان اتساعدوني في رايكم ؟؟)
تقدر اتلون ،، وها مهم لانها تقدر اتزخ القلم عدل ،، حتى ترسم دواير ،،،
وحافظه ال A,B,C
وحافظه الاعداد من 1 الــــــــى 10 بالعربي والانجليزي
وحافظه سورة الاخلاص
وتحفظ اناشيد طيور الجنة (ها اهم شي هههههههههههههه )
وحافظه بعض الالوان بالعربي والانجليزي
يعني مالها لزوم اتدش كي جي 1 صح ولا لا؟؟؟؟؟؟؟؟
ساعدوني لان سنة ،، هي سنة يعني بياثر ،، بتتخرج من الثانوية وعمرها 16 سنة وااااااايد حلووو احسن من انها تتخرج وعمرها 17 ههههههههههه
صدق حالة ،، اتوهقت والله ،، ريلي قالي اسألي اللي عندهم خبرة وبنشوف ان شاء الله ،،
أحين شو رايكم ،،،،
الوالدة قالتلي خليها كي جي 2 احسن لان احين كل اليهال ما شاء الله عليهم فاهمين مو مثل قبل ،،
وحتى خالتي قالتلي خليها لان كي جي 1 كله لعب في لعب ،،،،،،،،
احترت والله …………….
بصراحة داخ راسي ما بين كي جي 1 و كي جي 2 >>>> شوفي انتي كم مرة كاتبة هالكلمتين >> خخخخخخخخخخخخخخخخخخخ
اثولف ما تزعلي ok
بصراحة حبيبتي ما عندي فكرة عشان عيالي صغار …
بس انا برايي كلما كانت صغيرة يكون احسن يعني انا معاج مية المية ….
شو اسوي عشان اوضح ههههههههههههههه لاني متوترة وايد ،،،
مشكورة الغالية على ابداء رايج والاهم انج متفقة وياي ،، وان شاء الله انكون على صواب
يلا نتريا الباقي ،،،
وينكم يا امهات
والدكتور ابراهيم الخليفي قال انه لا تستعجلون على الطفل وسجلوه حسب العمر المناسب( والمتبع في المدارس الحكومية) وذكر انه يوم الطفل يتسجل بدري يمكن ما ياثر بداية لكن بالسنين الدراسية المقبلة بصير يشعر انه مضغووووط نفسيا حتى لو كان متفوق …
وذكر انه الطفل بهالعمر لازم يتعملم عن طريق اللعب فقط بدو ن كتب ودفاتر وكراسات وواجبات
وفي نقطة اخرى احب اضيفها انه في مهارات وقدرات عند الطفل الاهل ما يدركونها يعني مثل طريقة الامساك بالقلم واشياء اخرى… لا تخطر على بال الاهل … وهي ترجع للتكوين الجسدي الي بيسمح له بفعل هالش بعمر معين … يعني مو شرط يكون الطفل حافظ ارقام واحرف واناشيد … المهم انه قدراته الجسدية والعقلية تناسب المرحلة الدراسية الي بتدخليه فيها
والسموووحة حبوبة واتمنى اكون افدتك
تسلمين على اهتمامج ،، وفي نقاط ذكرتيها مهمه ،،،
ما ادري والله ،،، بس الهنود اكثرهم يتخرجون من الثانوية واعمارهم 16 سنة ،، يعني يدخلون بسرعة المدرسة ،،،
ومسالة مسك القلم ،، ذكرت انا هالشي ،، انها الحمدلله تقدر تسمك عدل واتلون ،،
المشاركة الأصلية كتبت بواسطة زيباشو 
وبنتي مــــــــــــــا شاء الله عليها (بس حبيت اعطيكم نبذه عشان اتساعدوني في رايكم ؟؟)
تقدر اتلون ،، وها مهم لانها تقدر اتزخ القلم عدل ،، حتى ترسم دواير ،،،
……….
بنتج وديها باجر المدرسة ودخليها عند المعلمة مالت kg1 خليها تختبرها وهي تقرر وين تدخل
لو بنتج خلاص عدت اول مرحلة خلاص تدخل kg2
ترى التقارب العمري وايد مهم بإندماج الطفل بصفه
شوفي التقارب العمري وين ومستوى بنتج وين اكثر وسالفة تتخرج قبل لاحقة عليها سنة وحده ما بتأثر اهم شي بنتج شو يناسبها
ممكن فيه اشياء تعلموها بالحضانه انتي ما تعرفيها او ما انتبتهي لها وبالعكس التسلسل حلو لا تستعجلي بداية الالف ميل خطوة 