بنات بلييز أبأ أعرف شو الدارج فتسريحات العرائس
هالسنه .. أبأ شيء مميز ومرتب .. وإذا بالصور
بكون شاكره لكم. … لأنه إذا خليت الماكييره تسويلي
على ذوقها أحس أنه التسريحه بتكون مب شيء أبأ
شيء أنا مقتنعه فيه
وبالنسبه لاكسسوارات الشعر كل وحده تقولنا. هي
شو تفضل … لأنه أنا محتاره أبأ تسريحتي والاكسسوار
يكون شيء يديد ومميز. وكل الأشياء اللي حصلتها
للحين عاديه .. أبأ أسماء أماكن تبيع اكسسوارات شعر
مميزه إذا ممكن
بليز بنات فيدوني
واللي معرسات كل وحده تقولنا كيف كانت
تسريحتها فعرسها إذا ممكن
والله يتمم عليكي على خير اميين
يعتمد علي شكل الوجه اذا الوجه بيضوي حلو ترفعين شعرج عن ويهج بس اذا ويهج ضعيف وطويل لازم تقصين قذله وشوي من الاطراف علي اساس تملين الويه بس ما ابا اتفلسف بس احس بعد قصات الفستان تحكم والصراحه كل ما كانتي سمبل كل ما كان شكلج احلا مثل البيبيز والاكسسوار احس مال اول الطرحه تكفي خليج طلعه باربي حبيبتي وكيوت والكل يقول ماشا الله مش طلعه دفشه واوفر الله يوفقج حبيبتي واسفه علي الفلسفه الزياده
عزيزتي ألف مبروكم مقدما والله يتمملج على خير ^^
حبيبتي جوفي بالاول كيف تصمييم ويهج وسوي الشي اللي يناسب ويهج
فكري بالاستااايل اللي يتم طووول العمر وما طيح موضته مثلا الشعر بطريقه حلوه ومرتبه وكلاسيكيه على حسب تصمييم ويهج
بخصووص الاكسسوارات افضل شي يكوون تيجاان
واذا عيبنج اترومين تفصلينهن
عندج هذا الاستاايل ملكي وما طيح موضته
1
2
3
وعسب تكتمل أناقتج
سوي ميك أب ما يكون دفش
ناعم وحلووو عسب يبرزلج جمالج أكثر وخليهم يحطونلج فاونديشن على درجة لوون بشرتج ما يبالغوووون باللون
واذا فستاانج اووفر سوارفكسي لا تلبسيين عقد أوووفر لانه بيكوون زحمه في زحمه ودفاااشه ><
ولبسي عقد ناعم ولج حرية الاختيار ^^
ويفضل يكون الفستاان نااعم مب دفش ولج حرية الاختياار ^^ والطرحه تكوون حلوه بعد ^^
وبجذيه إن شاء الله بتكونيين أميره الا مب عروووسه
عسب اذا ييتي اطالعين صورج ان شاء الله بعد 20 او 40 سنه تحسينها يديده مب جديمه 
وان شاء الله أكون افدتج 
افكر بالشعر اكثر عن الميكب و الفستان ..
و ماعرف منو بيضبط لي التسريحه اللي اباها …
و أغلب الكوافيرات احس تساريحهن للعرايس فير و اكستنشن ما في ابداع فالشعر
اذا حصلتي خبريني ^^
إلي هي موضه ٢٠١٢ للعرايس و طبعن ما أنصحج تحطين سوالف إكسسوارات ف شعرج لإنه وايد مال أول
و كل ماكنتي سمبل أكثر فالميكب و الشعر كل ماكنتي أحلى لإنه يوم بترجعين لصورج عقب كمن سنه مابتتندمين
شوفي هالتسريحه واايد حلوه و أنيقه و لو تلاحظين الإكسسوار إنحط بس لإنه العروس مش حاطه طرحه
و هاي كل عرايس هوليود يفضلونها لإنه ماتروح موضتها
انا واايد حبيت هالتسريحه واايد
اذا مثلاً حبيتي تفتحين شعرج أنصحج ب
و الميكب ماأنصحج تحطين روج أحمراً نهائياً أحلى شي على العروس السكن كولور رووج
و الألوان الفاتحه ..،
و الميكب الخفيف إلي يبرز جمال البنت مب إلي يغيرها يخليها وحده ثانيه محد يعرفها لإنه
هالميكب الثجيل عقب كم سنه يوم بتردين تتطالعين نفسج بتحسن عمرج مو حلوه
فأنصحج بالخفيف وهاى أمثله …،
وهذا موضة الموسم الحواجب الكثيفه
مع تحياتي