بنيات .. عروسات .. ملقوفات .. جيف حالكن .. ربكن الا بخير
..
اليوم عندي موضوووع .. حصل لي و بغيت اتناقش وياكم فيه ..
انا دايما اقرا في المدونة المواضيع الي تتكلم عن ان البنت يوم تعرس تتغير على ربيعاتها ..
تنساهن .. تتناساهن .. و تبعيد عنهن و ما تكون قريبه منهن مثل قبل ..
بس كد سمعتوا ان البنت يوم بتعرس ربيعاتها الي يتغيرون عليها ؟!؟!
تبون الصدق 
انا ها الي حاصل لي ..
كل ربيعاتي متغيرات فجأه والله كلهن ..
بتقولون كيف عرفت .. بقولكم هذيل ويايه عشرة عمر مب يوم و يومين ولا سنتين ..
يعني اعرف الوحده و كيف اسلوبها يوم تزعل ولا تظايق ..
بداية الامر قلت يمكن انا قلت شي غلط .. يمكن متضايقات من شي ..
والله تيمت شهرين و انا جي .. افكر شو بلاهن ..
كم مره كلمتهن يا بنات الحلال شو فيكن جانكن زعلانات خبرني انطقن ..
لكن ماشي فايده
المصيبه يعتدلن كمن يوم .. و يردن نفس الشي ..
خش و دس و سوالف عبيطه تقهر ..
يعني يا اني ماعرفهن عدل ولا اني انخدعت فيهن طول هالسنين !!! ..
والله اني مصدومه صدمة عمري منهن .. احس كني في حلم و اتريا اني اتوقظ منه ..
و المصيبه هن مب مفتكرات فيني انا .. وانا مااااالت عليّه احاتيهن و هن اصلا مب قد هالمحاتاه ..
الله يهديهن ولو انه ماشي امل .. شـــــي يقهـــــر ..
خبروني انتو شو رايكم ؟!؟ و هل حصل لكم هالامر ..
و الاهم كيف تصرفتوا في هالموقف ؟!؟!؟
أو إنهن خلاص يحسن إنج استويتي غير عنهن
جنون طفلة ،، بس هذا رزق من الله .. و كل شي نصيب .. يعني ماله داعي الغيره .. صح ولا انا غلطانه ..
مشكورة حبي ع المرور ..
هو صح المعرسه او المالجه تبعد بس مب بإيدها هالشي بس عاد مب تقطع عنهن موول .. صح ولا لا ..
انتي شكلج تقطعين مره
.. اسولف لا تزعلين ..
مشوره فديتج ع المرور ..
بس عقب فترة ردت العلاقه مثل ما كانت قبل وأحسن