شو العلاج بعد كورس الكلوميد والابر التفجيريه في 3 اشهر؟؟؟؟؟شو بعدها يكون؟؟؟؟؟؟جاوبوني
اللي اعرفه بعد الكلوميد يكون في ابر اسمها جوانال وتقريبا قيمتها 1500 درهم تاخذينها من ثاني يوم الدوره نفس الحبوب وتكون بجرعه معينه ويسوون اخرتها تفجير نفس الشي
بس ها كله الدكتوره توصفه لج
اتمنى اكون افدتج اختي
بس انا نفع معاي الحبوب انها نشطت المبيض والبويضات بس ما صار حمل…ولما توقف العلاج ما حسيت بالام التبويض في موعدها شو يعني؟؟؟؟
انا بقولج اللي أعرفه و على حسب خبرتي …و استنتجاتي من الدكتورة
الحرمه لو كملت سنه من عرست وما حملت أول شي لازم عليها ان تسوي الفحوصات اللازمه مثل فحص الهرمونات و فحص الرحم بالالترساوند ولو طلعت النتيجه سليمه ثاني خطوة الريال لازم يفحص وذلك بعمل تحليل للحيوانات المنويه..
لو فرضنا أنه الحرمه سوت الفحص و طلعن البويضات في يوم التبويض حجمهن صغير أقل عن الحجم المطلوب و اللي هو ما بين 18 و ال25 مللي
في هالحاله الدكتورة يا بتوصف لج أبر تنشيط للمبايض أو كيلوميد وفي كلا الحالتين بتحتاجين لأبرة تفجيريه لتفجير البويضه يوم توصل للحجم المطلوب
ولو بعد هالطريقة بعد ما صار حمل
الدكتورة بتطلب من ريلج يعطيهم حيواناته المنويه و بينشطونهم و بيطلعون الحيوانات الميته و بياخذون الحيوانات النشيطه عسبة يسون لج عملية الحقن المجهري (لازم البويضه طبعا بتكون وااصله للحجم المطلوب سواء بالطريقة الطبيعية أو الكيلوميد او الابر) ولو ما صار حمل من بعد هالعمليه
الدكتورة بتسوي لج الاشعة الصبغية للأنابيب أو ممكن تسوي لج عملية منظار مهبلي و هذا عشان يشوفون الرحم إذا سليم و يشوفون الانابيب سليمه و ما فيها أي التصاقات
ولو طلعت النتيجه سليمه
أخر شي ممكن يسوونه لج عملية الانابيب وبتكون هااي هيه الطريقة الاخيره اللي ممكن يتبعونها
و ربج كريم و إن شالله ما تمرين بكل هالللفه و الدوران و تحملين قريب
بس مشكلة الكيلوميد الاكثار منه يسبب الاكياس
و الابر المنشطه الاكثار منها تسبب اكياس او ممكن بعيد الشر سرطان في عنق الرحم و الهرمونات طبعا تخترب وما يكون فيها توازن و ممكن الدورة تنقطع ابسرعه و طبعا في هالحالة البويضات اتخلص ابسرعه