مايرقد بدون قماط …… :-( ( بالإضافة إلى كم سؤال بارك الله فيكم ) للساحة الامارات

انا بنتي ماكنت اقمطها وايد
من انولدت وانا مااقمطها الا يوم ترقد ومراات بعد
ويوم كملت شهريين ودعت شي اسمه قماط

2. و شو هي المدة الطبيعية التقريبيه ( كم دقيقه ) يستغرق الطفل في الرضاعه؟
يعني هل ممكن تصل المدة إلى ساعه ؟ أو أكثر

اممم ساعه يعني اكيد الحليب شوي شوي ينزل او البيبي يشرب حليب وياخذ فتره رااحه خخخ

على حسب كل بيبي

3. في حالة أصيب الطفل ( بو شهرين أو 3 شهور ) بالسعال أو الزجام ..
شو ممكن نعطية أو كيف ممكن نعالجة..
هل نكتفي بوضع الأكسجين له ( كما أمرنا الطبيب فحسب )

4. هل عقب مرور ( 3 شهور أو 4 من ولادة الطفل ) ممكن يعتدل راسه ويتشكل؟
وإلا يتم عَوَي ومسطّح وما يتغيّر ..

اممم عقب مروور 5 او 6 شهوور لانه يبدا الشعر يطلع ويغطي عالراس

. متى نودّر القماط عن الطفل، يعني متى الطفل ممكن يستغنى عن القماط يا الغاليات
( في أي شهر ) ..؟
يقولون انه القماط يريح الياهل ..لانه يحب الشي الملموم جنه في بطن امه.. انا كنت اقمط ولدي حزه الرقاد بس.. لين بروحه قام يتملل منه و ما ايطيع يرقد الا و وهو امطلع ايده..

2. و شو هي المدة الطبيعية التقريبيه ( كم دقيقه ) يستغرق الطفل في الرضاعه؟
يعني هل ممكن تصل المدة إلى ساعه ؟ أو أكثر
على حسب لو اترضعينه طبيعي ولا لا… المهم اتخلينه لين ما ابروحه يشبع… و عادي يكمل جريب الساعه.. انت اشغلي وقتج يا بتلفزيون و لا افتحي النت من الموبايل.

3. في حالة أصيب الطفل ( بو شهرين أو 3 شهور ) بالسعال أو الزجام ..
شو ممكن نعطية أو كيف ممكن نعالجة..
هل نكتفي بوضع الأكسجين له ( كما أمرنا الطبيب فحسب )
الواحد ياخذ بكلام الدكاتره اسلمله..!

4. هل عقب مرور ( 3 شهور أو 4 من ولادة الطفل ) ممكن يعتدل راسه ويتشكل؟
وإلا يتم عَوَي ومسطّح وما يتغيّر ..
مممم… يقولون يعتدل… بس لو غيرتي من طبيعه رقاده .. ولو كان منعفص من صوب.. حاولي كله اترقدينه ع الصوب الثاني عشان يتعادل

1. متى نودّر القماط عن الطفل، يعني متى الطفل ممكن يستغنى عن القماط يا الغاليات
( في أي شهر ) ..؟
يعتمد عليج كيف عودتيه ….
عن نفسي كنت معودة ولدي عالقماط >.< لين الخامس تقريبا عقب شفت اني مصختها!!
بديت أفج عنه القماط فالنهار يوم شفته شوي تعود خليته يرقد فليل بدون قماط
أول ليلتين لعوزني شوي كان ينش وايد … بس عقب تعود وصار يرقد عادي ^_^

2. و شو هي المدة الطبيعية التقريبيه ( كم دقيقه ) يستغرق الطفل في الرضاعه؟
يعني هل ممكن تصل المدة إلى ساعه ؟ أو أكثر
ساعة لاااااااااا
اذا يرضع ساعة يعني يتدلع (لا تعودينه!!)
حده ربع ساعة – نص ساعة بالكثير
اذا يشرب خليه ع راحته اذا حسيتيه يتدلع وبس يمص سحبي عنه الحلمة (لو مب شبعان)
عشان يعرف ان الصدر للحليب بس مب للدلع >.<

3. في حالة أصيب الطفل ( بو شهرين أو 3 شهور ) بالسعال أو الزجام ..
شو ممكن نعطية أو كيف ممكن نعالجة..
هل نكتفي بوضع الأكسجين له ( كما أمرنا الطبيب فحسب )
اذا الموضوع ما تعدى شوية زجام وكحة ما يباله أدوية …. (ومثل ما قلتي الاكسجين ينفع للحالات الأسوأ)
اذا تعب وااااايد بسم الله عليه فهالحالة وديه العيادة وشوفي الدكتور شو يقول
بس احس أحسن لو ما نعود جسم الياهل عالادوية من صغره …. خليها للضرورة بس

4. هل عقب مرور ( 3 شهور أو 4 من ولادة الطفل ) ممكن يعتدل راسه ويتشكل؟
وإلا يتم عَوَي ومسطّح وما يتغيّر ..
في منهم اللي يتعدل راسهم
ومنهم اللي يتم نفس ما هو >.< على أمل ان الشعر يطلع ويغطي المطبات هههه