ماكمل السنتين واناااا اضربه!!!!وايدي هااااااي بقصهااااااااا؟!!!تعبت في الامارات

السلام عليكم ورحمة الله تعالى وبركاته. أختي الغالية حور البحر والله أنا مش أم هذا الطفل وقلبي تقطع فكيف بتكون أنتي أول لازم الحالة المزاجية اللي أنت فيها تكون من الحمل لكن شو ذنبه هو بالعكس يمكن راح تخلي عند أبنك أحساس سيئ عن الحمل ولما تبين بطنك لازم تفهميه أنه فيها بيبي راح تحبه ويشاركه لعبه وحياته يعني ما أدري ما أقول لك لأن الضرب ليس صحيا وفي هذه السن بالذات أنا أعرف أب كان يضرب بنته وعمرها سنة والآن البنت تكره أبوها ولما يحضنها تنكمش وما تحسيها تحس با لآمان اللي المفروض تحسه وهو بدوره تدارك الموقف مع البنت الثانيةولاحظ الفرق الكبير في تصرفاتها التلقائية عكس أختها المنطوية وحتى في المدرسة تعيش الأنطواء الله يخليك طولي بالك وأذا تعصبت غيري المكان حتى تهدئي وتكلمى معه بهدوء وعاقبييه العقوبة الأيجابية كأنك تحرميه من شيئ يحبه حتى يتعلم يكون هادئ وما يفوتك أن التربية السليمة للطفل الأول تساعدك في تربية باقي الأبناء أتمنى أني أكون فدتك ولو بالقليل أعانك الله

هلا الغاليه

انت هدي نفسك شوي و امسكي اعصابك هذا ياهل ما يخصه

و انا اتوقع انه من الحمل انا مرت علي نفس الحاله بس الحمد الله ريلي كان وايد يساعدني ويوم يسوون شي و اعصب يقولي خليك انا بطالعهم

( انا يوم كنت حامل بطمطم في الشهر الخامس وديت حمني الحضانه لانه مسكين احس اني ظلمته بعصبيتي و ضيقة خلقي عليه بس الحمد الله وايد استفاد من الحضانه و يوصل الظهر اكون ولهانه عليه )

بس انت لازم تحطين في بالك انه الحين بيبدأ يغير زياده وخاصه يوم تطلع بطنك اكثر فلازم تهتمين فيه اكثر لان يوم بتولدين بالسلامه بتشوفين شي اكثر من اللي يسويه الحين عشان يلفت الانتباه

و الله يعينك

الله يعينج اختي
تعوذي من الشيطان… حرام هذا طفل … لو استوا عليه شي لا سمح الله شو بتسوين بعمرج؟
و هل ينفع الندم في هذيج الساعه؟
احنا مجربين قبلج
طبيعي ان الحرمه في فترة الحمل تتغير و تستوي عصبية بس صدقيني تقدرين تتمالكين نفسج و هذا الشي يكون بالتعود.
اذا عودتي نفسج تضربين ولدج…. صدقيني بتضربين اخوانه كلهم اللي بييون عقبه.
يوم بتحسين ان اعصابج تفور و تبيين تضربينه… استغفري و تعوذي من الشيطان و تحملي تدعين عليه.. دايما ادعي حق عيالج ان الله يهديهم و يصلحهم و يوفقهم في حياتهم.
اتمنى اني اكون ساعدتج

دائما رددي
اعوذ بالله من الغضب
وان شاءالله بتكونين ثلج

حراااااااااااااااااااااااااااام والله تعوذي من ابلييس .. يوم بتعصبين عليه امشي بعيد
غيري مكانج .. شغلي عمرج باي شي عشان ما تظربينه فدييته … الله يحفظه و يهديج ..

لا اله الا الله

انت عندج واحد ومتخبله …

شووووووووووووووووووووو بسوين يوم بيى الثانى ..

الغالية الولد بهذى الطريقة بيخااااف منج ..وما بيحبج وبيلجأ لي أحد يحن عليه ..

وبعدين تعالى لازم يكون عندج صبر وقوة اعصاب عيل على اى اساس الجنة تحت اقدام الامهات

حبيبتى انا كنت حامل بشهرى السادس وانزف لا واداوم شفتات بعد وولدى الاول كان صياح ودلوع وما يرقد عدل …وكنت اتعب تعب الله لايراويه لأحد ..

يعنى مب انت بس الى تعانين ادرى الموضوع واااايد صعب مع الحمال

بس هذى ظرييبة الامومة

الغالية اوصيج الصبر ثم الصبر لان الاولاد على فكرة وااااااااااااااااااااايد اشقية مب شوى

ولاحظى ان ولدج ممكن يضعف جسمه وما يحب يى صوبج ..

الله يعينج ويقومج بالسلامة ويجعل اولادك من الذرية الصالحة

اللهم امين

ويصلح بالك وشأنك