حابة اسالكم عن كيفية اعتنيتوا بالكيراتين الذهبي
للاخوات اللي بيسالون انا سويته عند غاردينيا بالعين – انسانه فاهمة في الشعر بمعنى الكلمة
انا بحط خبراتي واتمنى اللي تدخل تضيف ونتبادل الخبرات
– قالت لي لاتغسلينه بالماي الحار
– لما تنشفينه بالسشوار نشفيه من الجذور لتحت وليس العكس
– لما تخلصين من الاستحمام حطي سيروم
– ممنوع الدهان
– الافضل لو تشطفين شعرج بغرشه ماي صحي بعد ماتخلصين استحمام
– استخدام حمام الزيت الخاص به كل شهر مرة ونمشطه بالمشط ونجلس تحت البخار لمدة نص ساعة بعدين نغسله
– مانستخدم شامبو العادي ولا حمامات الزيت العادية خلاص علشان مانخرب الكيراتين
—
انا عندي سؤال
بالنسبة لكوي الشعر بالسيراميك ، هل لازم نكويه والا عادي لما نغسله نخليه ينشف بروحه ؟
وكم مرة بالشهر لازم نكويه بالسيراميك ؟
اتمنى الاخوات اللي يدخلون يفيدونا بخبراتهم
احب اعتني بشعري بنفسي ..
وبخصوص سؤالج .. ماعرف .. ^_^
بس شكرا لكتابة تجربتج اختيه
وعسى تفيد الخوات
بس للسيراميك مش لازم بشكل اسبوعي او يومي ممكن تسوينه بالشهر مره بعد حمام الزيت
وبضيف بعد
#السباحه بالمسبح ممنوع لان الكلور يشل الصبغه
#الاسبراي القوي ممنوع لانه يتعب الشعر
#الحنا .الصبغه .زيت زيتون .خلطات زيوت طبيعيه ممنوع
#خلطات نسكافيه وزبادي وطبيخ براسج ممنوع
تذكرت بنيه جات عندنا مسويه كيراتين وبعد شهرين راح عنها رجعت تقول راح
نسالها يابنت الحلال
شو استخدمتي
شو حطيتي
شو خلطتي
قالت لج حطيت حلبه وزبادي بشعري 
تحطمت نفسيا واتذكر هذاك اليوم اني ماتغديت من الصدمه 
وأذكر إنها جزاها ربنا كل خير خبرتني عن السيراميك إنه الأفضل تستخدمينه مرة كل أسبوع او أسبوعين لأن حرارة الفير تساعد الكراتين إنه يمسك فالشعر أطول فترة لكن إتحذرن يابنات ضروري يكون الفير سيرامييييييييييييييييييك مب فير عادي
وخذيت من عندها واقي للشعر احطه فشعري يوم أنزل المسبح عسب أحميه من الكلور ومن حرارة الشمس
والماسك الخاص استخدمه هو بعد مرة كل اسبوع او اسبوعين مع السيروم ماله
وطبعا اكيد استخدم الشامبو والبلسم من نفس الماركة