ليش الاقبال على المدارس الخاصة ؟؟ شو بلاها الحكومية خبرونا تجاربكم للسياحة

تأسيس المدارس الخاصه هو السبب ورا انجذابنا للخاص والحكومه الحين بدوا يدرسون التعليم المطور
في الحكومه استغرب كيف يعطون كي جي 1 املاء والله اول مره اسمع ان يهال يعطونهم حفظ كم حرف هاالا ياهل
اما المدارس الخاصه لو غاليه فبيزاتها فيها مجرد مراجعه بسيطه بس ماشالله يثبت ف عقل الياهل

مشكورة اختي على مشاركتج ونتريا البقية

اختي حتى في الخاص عندهم املاء وتسميع وقارءة قصص

انا مالي تجارب ويا الحكومي لاني يوم ييت اسجل ولدي قالولي اصغر من السن القانوني بيوم وما طاعوا يقبلونه سجلته في الخاص

وهو من قبل في حضانه نظام بريطاني وانا اباهم بياخذون على اللغه ولا يتوهقون وهقة امهم خخخخخخخخخخخخخخخ

وبعدين الله يهديهم الحكومي ماشي خطط عشرية والا حتى خمسيه كلها تخميسيه وتروح في الزباله وانتوا بكرامه كل يوم نظام جديد وعيال الخلق فيران تجارب

بس هذا اللي اعرفه والمشكله لو الياهل بدا في خاص وراح حكومي يحس انه متضايق لان المستوى اللي تعود عليه اعلى من اللي بيدرسه في الحكومي ومسبق باشواط فيبدا الطفل يستخف بالدراسه والمواد وبجيه ينزل مستواه

الخاص يكون عند الطفل ثقافة أكثر عن الي في الحكومه
فلو يبتي طفلين من نفس العمر مثلا 2ابتدائي واحد خاص والثاني حكومي
بتلاحظين:الي في الخاص بادي يكتب متعلم الكتابة عن غيب أم في الحكومه وييييييييييييين لين يحفظونهم الحروف
والطفل الي في الخاص ماشاء الله اسإليه كم آيه حافظ وتعالي حق الحكومي بتلاقين فرق
فتحسين الخاص يعودون الطفل من صغرة على الحفظ والفهم فلما يروح للحكومي ما يلاقي صعوبه ومتفوق ………….

انا في رأيي الخاص احسن بمليون مره
لنا عندي ولدي كيجي 2
وماشاءالله عليه يعرف الحروف والارقام عربي وانجليزي ومستواه ممتاز
وتحصلين الخاص عندهم اهتماااااااااااااااااااام بالطفل والواجبات وكللللللللللل شي الحكومي الطفل تلقينه مايعرف يكتب الحروف والارقام ومب شاطر في الانجليزي
ومايعطونهم امتحانات لين صف رابع حرام صراحه الجيل الياي كله انجليزي فكيف بتعاملون اطفالنا اذا كانو في حكوميه ومايعرفون انجليزي؟
هذي وجهة نظري