كنت معزومة البارحة على مناسبة و بغيت احط ميكب بنكي 
جان اذكر موضوع صديقتنا الأمورة جورية 83 اللي طلبت فيه مني اسوي لوك الماكييرة التونسية جميلة الحذيري في الموضوع اللي في هذا اللنك
https://forum.uaewomen.net/showthread.php?t=424483
فقررت اسويه منها اكون تمكيجت حق العزيمة و منها اصور الخطوات عشان ألبي طلب جورية و البنوتات اللي ردو على موضوعها ، و اعتذر للبنوتات اللي طلبو لوكات ثانية قبلهم ، بس انا جدمت هذا اللوك لأنه صادف اني كنت ابا اسوي ميكب بنكي في هذا اليوم فديتكم لا تزعلون مني //// ان شاء الله في اقرب وقت بنسوي كل اللي بغيتوه ^_^
و هذا هو اللوك اللي بنستوحي منه ميكب اليوم
يالله نبدا ….
اول شي و كالعادة نجهز البشرة (ترطيب ، بيس ، فاونديشن ، كونسيلر ، لوس باودر و بيس للآيشدو)
حتى نصل للخطوة الأولى ،،،،،،،، ( ادري حفظتو هالجملة من كثر ما اعيدها في كل مواضيعي ،، بس مثل ما تعرفوووون التكرااااار يعلم الشطااااااااااار 
الخطوة الأولى :
في هذي الخطوة بنوزع آيشدو كريمي بلون pale pink بلمعة صدفيه (انا اخترت آيشدو سيشيدو) موجوده صورته في مواضيع سابقة، و فوقة وزعت آيشدو بودرة بنفس الدرجه ، استخدمت من diana of london -nude shimmer #10
وزعته على كامل الجفن مثل ما تشوفون في الصورة
الخطوة الثانية و الثالثة :
نحط آيشدو بنفسجي في الجزء الخارجي من الجفن المتحرك كمل في الصورة #2
و بعدين ندمجه بشكل جيد بفرشاة الدمج حتى نحصل على النتيجة اللي تشوفونها في الصورة #3
بعدين و العين مفتوحه نموه اللون البنفسجي و نرفعه شوي على الجفن الثابت بس مش وايد ندمجه مع البنك بحيث يبين طرف البنفسجي و انتي مبطله عينج مثل ما هو مبين في الصورة هذي
الخطوة الرابعة :
طبعا في صورة الميكب الأصلي مش مبين كيف مسوين الآيشدو تحت العين ، انا تركت الموضوع لخيالي، و سويته بهالطريقة
نمد شوية من الآيشدو البنك اللي استخدمناه على الجفن ، تحت العين بعد مثل ما تشوفون في الصورة اللي فوق و بعدين بالآيشدو الكريمي باللون الأسود نحدد الجفن السفلي و نموه الخط و نسحب اللون قليلا فوق الآيشدو البنك و نحرص انا نخلي البنك مبين شويه من تحت الأسود يعني ما نخفيه تماما ، كوني حريصه عند اضافة اللون الاسود و حطي اللون بالتدريج لا تكثرين عشان ما ينصبغ الجفن كله بالأسود و يضيع التأثير البنكي اللي تحت تماما ، و بعدين نحدد العين من فوق بالآيلاينر السائل بخط رفيع و نجحل العين من داخل و نحط ماسكرا او نركب رموش ، و نلبس عدساتنا و نكون خلصنا ،،،،
قبل ما احطلكم الصور ابا منكم طلب صغنطوطي ،،،، العدسة اللي انا لابستنها في هذا اللوك هي عدسة إليجانس ناتشورال تاتش ، ماخذتنها من برع البلاد ، بس احيد من زمان كانو يبيعونها هني لكن الحين عيزت و انا ادورها و ما في فايده ، بليييييييييييييييييز بنات اللي عندها فكرة وين تنباع هاي العدسة في البلاد و ((((تكون متأكده من المكان))) تخبرني لأنها قربت تنتهي صلاحيتها و خاااااااطري اخذ منها مرة ثانية >>> يالله هذربتي وايد خلصينا
زيييين يا رفيك بخليكم ويا الصور ،،،، ترااااتااااتااااااااااااااااااااااااااااااااااا، تششششششش
هااا شو رايكم ؟؟؟ ان شاء الله يكون عند حسن ظنكمــ
واااااااايد احب لوكاتج الغالية ….
وعدستج غاوية وعيونج اللي محليتنهاااا طبعاً ….
الله يوفقج ومشكورة
بوبا تطبيقج وااااااااااااايد رووووووعة اقول ماتعطينا دورة مكب خاصة
هههههههه
احلى من الصورة الاصليه..
مواضيعج كلللللها مسيفتنها
تسلمييين خيتو,,
المشاركة الأصلية كتبت بواسطة قنوووت امرأة 