لوك العيون الواسعة إن شاء الله يعجبكن

السلام عليكم سيدات وبنات الامارات ايشحالكم عساكم بخير وسهالة إن شاء الله يبتلكن لوك للعيون الوساع يارب يعجبكن نبدأبسم الله بعد ما تجهزين العين بالكونسيلر
أول شي ترسمين الحاجب ونصيحة العيون الوساع يكون حلو عليها الحاجب العريض مب الرفيع

نحط الأبيض تحت الحاجب

نحط أصفر وأخضر وفوشي عدال بعض عالجفن

ندمجهم ويا بعض ونطلع بالفوشي لبرع شوي مثل ما فالصورة

نسوي خط عريض بالكحل أو الأيلينر ومب لازم يكون طويل نفس الصورة ممكن يكون لأخر الرموش بس

ندمج الأسود مع الأيشدوا ونسحبهم للأخر

تحت العين نرسم نص العين بالبينك والنص الثاني بالبنفسجي

نحط الكحل داخل العين ويكون ثجييل

نرسم بالأيلينر خط عريض من مدمع العين ونحط المسكرا