دعي رجل لحضور حفل زفاف في أحد الفنادق ، وعندما وصل الى باب الفندق
وجد بابان باب مكتوب عليه خاص بأقارب العريس والآخر مكتوب عليه خاص بأقارب العروسة فدخل من الباب المكتوب عليه أقارب العريس ..
بعدها مشي خطوات فوجد بابان احدهما مكتوب عليه خاص بالسيدات والاخر مكتوب عليه خاص بالرجال ، فدخل من باب الرجال ومشى خطوات ، فوجد بابان باب مكتوب عليه لمن معه اطفال والاخر لمن ليس معه اطفال وبما انه كان برفقة ابنه فقد دخل من باب الاطفال ومشى خطوات فوجد نفسه في الشارع . . .
هههههه حلوه صح . .!
سؤال يطرح نفسه . .
ليش الكل ما يبا اليهال يحضرون العرس . .؟
حرام حليلهم يستانسون على هالسوالف 
للأمانه منقووووووول
انتظر تفاعلكم مع الموضوع
يتراكضون ويناقزون فوق الكوشه وع الطاولات
ويتضاربوون و هذا يصارخ وهذا يصيح ومعرف شو
وبعدين اليهااال يرقدون من وقت و العرس يتأخر
فا احسن لهم البيت يسون فيه الي يبوونه
يراااكضون جنهم هووووووش فاجبنهم في زريبه
ههههههه حليلهم
ثانيا:-يقطعون الورووود قبل لاتدخل العروس
ثالثا:-يكسرووووون المعرس يوووم يدش ويتنثر عليه النثووووور ويركبووون فووووقه
واحسن حل سكيوووورتي عند البااااااب
ما بيخلون شي ما بيلعبون فيه.. وصياح وحشره وصراخ
عاد كله صوب ولما يصبون العصير ع الارضيه
وكل الفساتين متخيسه من تحت بسبتهم ههههههههه
وحليلها الأم تراكض وراهم من صوب لصوب
واذا ناموا ما تعرف وين تحطهم
بس للاسف بالنسبه لنا محد بيفهم كل هالشي اذا خبرناهم الحضور بدون اصطحاب الاطفال..
الكل يزعل وما يحضر العرس.. لو الود ودهم نسوي بطاقه خاصه لليهال..
اليهال حلوين ومب حلوين
العرس حلو من دونهم وحلو وياهم
احترنا بصراحة
ليش ؟؟
بالمختصر جنت الأطفال منازلهم..