بسم الله الرحمن الرحيم،
اشحالكن يا سيّدات الإمارات ؟ عساكن ع القوّة يا رب . .
أنا راح اختصر لكم الموضوع، أنا من العين وقبل جم يوم وصلتني رسالة من أخت سعوديّة تطلب إمكانيّة إني أوفّر لها أسماء وأرقام الصوالين أو المحلات اللي تبيع باروكات في دبي، والسبب نسأل الله السلامة وارد في رسالتها اللي راح ارفقها بعد كلامي هذا، ولأني من العين عجزت أساعدها ف قلت مالي إلا أنزل موضوع في سيدات الإمارات ومِنه أفتح لهن باب عمل الخير والدعوات المحتاجة وأطلب مساعدتهن، وإن شاء الله ما تخيبون رجايَّ ولا رجاها ولا رجاء الآنسة الصغيرة اللي اسأل الله لها الشفاء العاجل – يا ربّ العالمين – . وهذي كانت رسالتها :
شوفي حبيبتي..الموضوع بسيط مرة فيمكن تقدرين تساعدين بالمعلومة ولك الأجر إن شاء الله..هذا زميل لي في العمل بنته الله يشفيها ويحمي المسلمين عندها مرض السرطان وتتعالج بالكيماويات..البنت مراهقة وطاح كل شعرها والحين تتحسن بس شعرها مارجع..عاد الحين تحط ايشارب بس متفشله وتبي باروكات..طلبها باروكات من شعر طبيعي وابوها بيروح دبي برحلة عمل هاليومين فسألني ع اساس أنا خبيرة بدبي إذا اعرف مكان تباع فيه الباروكات..بصراحة ماقد شفت هناك مكان يبيعها ولا عمري اهتميت لها فماقدرت افيده بس كسرت خاطري البنت فوعدته أجيب له معلومات..تعرفين هو رجال ومايعرف من وين هناك يجيبها..فهل عندك فكرة وين يلقاهم؟
إذا وفرتي هالمعلومات اكون شاكرة لك وممتنة بس أدري يمكن ماتكونين من سكان دبي وماتعرفين فإذا تعرفين بنات من دبي هنا فقولي لي مين هم وأنا ارسلهم……
وشُكراً مُقدما لكل من حاولت .
.gif "12 (55)")
في محل القرقفي بعد في بوظبي