بغيت أخبركن بقصتي مع محل تصميم الأزياء بريميرا …. دلتني عليه وحده من ربيعاتي….سرت عنده أنا و خواتي…شفنا فستان معروض بسيط و حلو…عباره عن تور وعليه جلد…قالت إختي إنه تباه نفسه بالضبط قالولها لازم تدفعين القيمه كامله عشان نشتري القطعه…و دفعتلهم إختي و أنا اللي عيبني بس هذا الفستان بس باقي الفساتين مش حلوات بالمره…بس المصمم قالي هذا هوه طلب الزبونات…قلتلله أنا أريد أفصل عندك فستانين و التصميم مال زهير مراد…و خذيت القطع بقيمه 8000 درهم و يبتلله الصور…و اتفقت معاه على تسليمه بتاريخ 2-1-2017 …وكنت دايما على اتصال معاهم و طلبت منهم إنه ما يركبون الشك قبل لا أشوفه….و سرت و شفت الشك و الصراحه انصدمت..سألتها من اللي مسونه…قالتللي هاي الفلبينيه..و قلت هذا الشك قديم …و رحت و سألت ربيعاتي في الدوام…و كلهم قالوا هذا أردأ أنواع الشك…و طلبت من محل ثاني يسويلي شك و سوالي شك حلو و مرتب…و سرت عند محل بريميرا و قلت حق المصمم شو هذا الشك اللي مسويلي إياه قاللي أنا الين الحين ما شفته…..سألته كيف يطلع شي من محلك و إنته ما تشرف عليه؟…..قاللي " إذا تبين نفس الشك اللي إنتي يايبتنه لازم تزيدين من القيمه"….قلتلله "سوري أنا ما بزيد شي من عندي"..قاللي "انتهى النقاش"….كان قليل أدب بمعنى الكلمه…و سرت عقب فتره ….و تأكدت من الشك اللي سواه..بس شفت الكريستال مش سوارفسكي …الفصوص ما كانت أصليه…قلت حق الفلبينيه …هل الفصوص مب أصليه و أنا بروح و برد باجر و ألاقيكم مركبيلي فصوص أصليه….و ركبولي إياهن…..و كان عندي مره موعد بروفه و حتى إني متصله الظهر عشان أأكد عليهم و سرتلهم ولقيت المحل مسكر..تميت أحوط في منطقة الخالديه….و رديتلهم وبعده مسكر….وصدق عصبت…في اليوم الثاني خذيت رقم المصمم "ألبرت"…و سألته ليش مسكرين وأنا عندي موعد؟….قاللي "عقب ما سلمنا عروس فستانها قلنا ناخذ باقي اليوم إجازه"!!!!!!!!!!!!!!!!!!!!!!!!!!! …. رفعولي ضغطي …..و ما سلمولي الفستان على موعده…سلمولي إياه فتاريخ 13-1-2017 ….و بالنسبه لفستان إختي…..التور اللي عليه جلد….سارتلهم المره الأولى و شافت التور عليه دانتيل مب جلد….قالتلهم ليش جيه سويتوا….قالولها ماشي جلد في السوق!!!!!!!!!!!…..و قالتلهم بروح و برد و بلاقي الفستان مثل اللي كان معروض..و يوم ردينا عقب اسبوعين لقينا الفستان مثل ما هوه ، ما فيه شي اتغير….إختي عصبت عليهم و قالتلهم " أنا اخترت الفستان لنه في جلد وبستلمه إذا بس كان فيه جلد"…قاللها المصمم " مدام إنتي تتوهمين ..الفستان ما كان فيه جلد"…و عصبت إختي وزقرتلهم الشرطه….و خافوا من الخاطر و قاللي المصمم "ماله داعي حق المشاكل…أنا بردلها كل بيزاتها"….و ردالنا البيزات كامله ….وكنت أحاول أحصل رقم المالكه..بس المصمم ما طاع يعطيني إياه…بس بطريقتي الخاصه حصلته…و كلمتها و قالتللي " أنا اتنازلت عن المحل و لو عندج مشكله وياهم سيري الشرطه"….اسلوبها وقح و ما عيبني ..سألتها حق منوه تنازلتي …قالتللي " مادري و ما أروم أفيدج"…..
هذا بالنسبه لفستاني الأولي و لفستان إختي ..أما بالنسبه لفستاني الثاني….عقب ما استوت هل المشاكل …انتقموا مني و خربولي إياه من الخاطر….و مع إنه الفستان بسيط و هوه إلا كوبي بيست..و أي خياط عادي بيضبطللي إياه…..بس هم بقر ما يفهمون و المصمم "ألبرت" مش مهتم أبد في محله…و عصبت و قلتلله " إنته أسوأ مصمم تعاملت معاه….إنته مش مصمم أصلا …إنته خياط عادي..و إنته اللي لازم تدفعللي ثمن القطع اللي خربتهن"
هذي قصتي مع محل بريميرا …أنقلها للأمانه…لني أتمنى لو حد خبرني عنه قبل لا أتعامل معاه
دخلت وانا وحرمت اخوي وحصلنا وحدة وافده مالت المحل ويا مواطن في وضع عوذب الله منه ولا بعد كان ايطالعنا باحتقار الله يستر على الجميع
شو ضمنكم انه ما يكون تصوير في المحل
سبحان الله فستان عرسي كنت بسويه عندهم
بس عماتي فديتهن قالن المحل مب شي برا احلى
شكله المحل هذا فيه مليوووون عله