لحقوني..في الشهر الخامس والنفس فاتحه………. لسلامتك

السلام عليكم خواتي لحقوني الله يخليكم وطمنوني الله يخليكم للي عندها تجربه
انا رحت المستشفى لتصوير الجنين وقالوا لي كل شي سليم واوكي
بس بعدين قالوا لي الرحم فاتح 8 مل وطول عنق الرحم 3.1سم
ومحتاجه ربط عنق الرحم رغم انه مافيني الم ولا نزل ماي ولا دم
وقلت لهم عطوني ابر تثبيت وحبوب وبتم نايمه مابتحرك
لاني ماريد عمليه وتخدير كامل
الله يخليكم منو مرت بالتجربه وشو تجاربكم في ربط عنق الرحم
علما بان عندي بنوته وربيت بها طبيعي وماكان في مشاكل

مرحبا

اختي والله نصيحه من اخت

روحي سوي لج عمليه ربط والله ما راح اطول ربع ساعه بالكثير نص ساعه

انا في حملي الاول وانا في الشهر الخامس كشفت الدكتورة طلع انه الياهل راسه تحت وعنق الرحم فاتح بس ربي ما اراده وطيحت الياهل قبل العمليه بكم يوم

والحين ربي ارزقني بالحمل والحمدلله توكلت على الله وسويت عمليه ربط عنق الرحم وانا في الاسبوع 12

نصيحه من اختج لا تهملين عمرج

وروحي سويها وتوكلي على الله والله ما تخوف العمليه مره سهله

والله يثبت حملج يارب

ويتممه على خير

وعقبال ما تقر عيونج بشوفته يارب

الله يقومكن بالسلامه…بس سؤال..اشلون انتي بالشهر 12….!!!!!!!!!!!!!!!!!!!!!!!!!!!!!!!!

انا اللي اعرفه ان الحمل مدته تسع شهووووووووووووور…فقط….!!!!!!!!!!!!!!!!!!!!

والله يقومكن بالسلامه وتفرحن بالبيبي…^_^

الغالية سوي الربط دام الرحم ماتوسع وايد لان اذا توسع معاد يقدرون حتى يربطون
وانا سويتها امس الحمدالله طلعت في نفس اليوم

عيون الامارات مشكوره فديتج بس انا متخوفه
لان الدكتوره قالت لي بالعاده نحن نسوي الربط في الاسبوع ال14 ونازل
بس انا الحين بالاسبوع ال19 وممكن تسويلي مضاعفات ونجاحها 50 بالميه
وانا ماكان فيني شي بس من قالوا لي وانا ميته من الخوف ووايد متوتره
ومحد عنده خبره يقولي اياها والله اني اكلمكم وانا الحين منومه بالمستشفى
ويالسه ابحث في الموضوع
الله يخليكم ردوا عليه قولوا لو شو اسوي
والتخدير كامل ماياثر على البيبي

الجوري سويتها وانتي باي اسبوع
انا الحين في ال19 وقالت لي يعني هي راح تساعد بس ماتضمن
عشان جي خايفه وقسم بالله الله يعلم بحالتي

توكلي على الله الغالية

سوي عملية ربط سهله وبسيطه والكل يمدحها حزة الولادة ان بس يفتحون الربط ينزل البيبي من غير مشاكل

بس حاسبي على نفسج في فترة الحمل لان الربط اذا اهملتي نفسج وما ارتحتي ووايد ضغطي على نفسج يسوي التهابات في عنق الرحم

والله يبعد الشر عنج ويرزقج الذرية الصالحة

توكلي على الله

انا ما امجربة بس عمتي ام ريلي عيالها كلهم امسوتلهم ربط لان في الشهر السابع عندها خلاص اييها الطلق ومن عقبها بعيالها كلهم تسويلهم ربط

بس تكون 24 ساعة عالفراش ما تتحرك الا للحمام وانتو بكرامه

الله يسهل عليج يارب