..**لأول مره صور مكياجي وبالخطوات حياكن**… للعناية بشعرك

>2<
ثاني خطوه نحط التونيك المناسب لكل بشره وبما انه بشرتي مختلطه حطيت هالتونيك من لانكوم بعد وايد حلو يعطي نظاره للبشره ويتحكم في افراز الدهون

>3<

وعقب ماتشربت البشره التونيك او التونير انيي للبيس او القاعده ونوزع البيس المناسب لكل بشره انا بشرتي عاديه مافيها كلف ولاحبوب الحمدالله وحطيت هالبيس ووزعته بفرشاه من ماك وهذا للبشره الخاليه من المشاكل وطبعا كل بشره على حسب نوعيتها

>4<

وزعت الاستيك فاونديشن من كريولاين توزيع صح بالتربيت عسب المسام يتسكر والتوزيع حسب نو الفونديشن يعني السائل يتوزع بالفرشاه لسهولة توزيعه والاستيك باالاسفنجه المثلثه << انا افضله لانها تسهل التوزيع

>4<

ووزعت الفل كفر من ميك اب فور ايفر على محيط العين

>5<
وعقب ماخلصت الفونديشن حطيت بودرة ميك اب فور ايفر ورقمها 301 وايد فاتحه مادري ليش بالتصوير طالعه غامجه

>6<

ووزعت ال بينت بوت اللي هو يكون بيس للعين ويظهر اللون احلى واوظح وعلى حسب اللون اللي بتحطينه
انا حطيت لون طبيعي يناسب كل الالوان

>7<
وهذا شكل الويه تقريبا بعد ماخلصنا الاساس وقبل مانبدا برسم العين
بس لاتتروعون

>8<
انا هني ماصورت الخطوات بالعين بس ان شاء الله اذا لقيت منكن تفاعل وعيبكن الميك اب بحطه فالمواضيع اليايه
المهم نكمل بس شرح برى العين خخخخ
وعقب ماحطينا البيز على محيط العين كامل

>9<
اول شي حطيت لوس باودر تحت العين

>10<
وعقب وزعت اضاءه تحت الحاجب استخدمت لون ذهبي من كريولاين

>11<
وزعت لون ذهبي على كامل الجفن المتحرك
وعقب حطيت لون عنابي غامج على زاوية العين ودمجته باللون الذهبي
وحطيت اشوي من اللمعه اللي تحت الحاجب على مدمع العين من جدام

>12<
ومديت آيلاينر ورسمت العين استخدمت جحال كريمي من ماك ورسمته بهالفرشاه

>13<
وشخطت لون تركوازي داخل العين نسسسيت اصوره

[يــــــــــــــــــــــتبع…]