كيكه الكاكاو مع صوص الشوكولاه من مطبخي طبخ الامارات

[align=center]السلام عليكم ورحمه الله وبركاته

اليووم حبيت اسوي لكم كيكه الكاكاو مع صوص الشوكولاه
سهل لذيذه وكل رااح يحبها الكبير قبل الصغير محببه من الجميع ^_^

خلونا نبدء

بسم الله

المقادير

استخدمو كوب جبنه المراعي الكبير عشاان تضبط المقادير معاااكم

200 غرام أي كوب 1 طحين متعدد الاستخدامات رقم واحد
200 غرام اي كوب 1 سكر بودره
150 ملي اي نص كوب زيت
بيكنج بودر ملعقه صغيره واحده
بيكربون صودا ملعقه صغيره واحده
فانيليا ملعقه صغيره واحده
بيضتين 2 على درجه حرارة الغرفه يعني تطلعونه من الثلاجه من فتره
علبه زبادي او الروب الصغيره الي فيها 180 غرام على درجه حرارة الغرفه
4 ملاعق كبيره بودره كاكاو

وصينيه مدهونه بزبده أو بورق الشمع على كيفكم
ونشغل الفرن عشان يكون ساخن يوم نخبز الكيكه لازم

نبدء بطريقه

نخلط الطحين و بيكنج بودر وبيكربون صودا مع بعض ونخليه على جنب

وفي خلاطه العصير نكسر البيضتين ونضيف عليه السكر وفانيليا وزيت وزبادي
ونخلطه زيت الي يصير مثل سائل ابيض مثل مافي الصوره

ونضيف عليه الكاكاو ونخلطه في الخلاطه الين يمتزج الخليط ويصير مثل صوص الشوكولاه
ونصب الخليط في وعاء شوفو كيف صااار

شوي شوي نضيف عليه خليط الطحين ونحركه الين يمتزج كله

شوفو كيف كله امتزج مع بعض

ونصب الخليط في صينيه الخبز انا احطيت ورق الشمع وندخلها الفرن الساخن مسبقاً
على درجه هاااديه لمده سااعه

وهاااي بعد ماطلعنها من الفرن

نحطها على جنب عشااان تبرد

ولحين خلونا نسوي صوووص الشوكولاه

نحتاج الي ثلاث جالكسي من الحجم الصغير او واحده من الحجم الكبير(( انا افضل شوكولاة الكادبوري))
علبه قيمر الصغيره

نذوب الشوكولا في حمام مائي ساااخن بعد مايذووب نصب عليه القيمر ونخلطه زين
الي تصير عندنا صوص الشوكولاه السااائله مثل مافي الصوره

نقبل الكيكه في صحن التقديم و نصب صوص الشوكولاه فوق الكيكه

ونزينها على حسب الرغبه باللوز أو الفستق أو اي شيء انتو تحبوون تزينون فيه

انا زينتها باللووز و شوكولاه الفليك وهذي هي كيكتنا

ومن الداااخل بد التقطيع

وبالعافيه عليكم
^_^

ان شااء الله تعجبكم طريقتي للكيكه وهي نفس الكيكه الي سويتها في يوم ميلاد اختي