كيكه الباذنجان بالبشاميل

بسم الله الرحمن الرحيم

طبقنااا عاااااد أول مره أسمع فييه كيكه الباذنجان بالبشاميل وياااني فضووول اشووف الطبق
ولازم تشووفونه ويااااي بس الصرااحه فكره وطبعاً الحقوق محفوظه لي الأخت ((ريمه الكويت )
بس يستااهل الوحده تجربه بالبيت

.
.
.
.
اول شي تاخذين تقريبا 7 حبات باذنجان وتقطعينهم بالطول شرايح خفيفه ونقعيه بماي وملح واقليه بزين خفيييييييييييييف لاتكثرين الزيت عشان لايتشرب البيديان الزيت

وصفي البيديان بصينيه بايركس دائريه وغزيره وحجمها وسط وخلي البيديان على اجناب الصينيه نفس الصوره

اللحين سوي مكرونه العريضه او اي نوع باستا تحبينها سويها نفس الطريقه العاديه مع لحم مفروم وطماط معجون بس خليها شويه لينه عشان تتماسك مع الطبق

وحطيها فوق البيديان نفس الصوره

ممكن ترشينها جبنه مزرولا مثل ماا تحبوووون

بعدها سوي صلصه البشاميل العاديه بس بعد ماتطفين النار وتبرد شويه كسري عليها بيضه مع رشه فلفل ابيض وخلطيها مع البشاميل

حطيهم بفرن وخلي النار مفتوحه من الاعلى واىسفل

[IMG]https://www.up.****.net/get-4-2017-32bhcltd.jpg[/IMG]

طلعيها من الفرن ونطري شويه تبرد وتتماسك

بعدها بالسجين فججيها من الاطراف وقلبيها بصحن

[IMG]https://www.up.****.net/get-4-2017-qsb2vouj.jpg[/IMG]

وزينيها ويرجع كل وحده ودوووقهاااا في التزين

[IMG]https://www.up.****.net/get-4-2017-69sxdtl8.jpg[/IMG]

شريااكم مووب شى غريب
وصحتين وعاافيه على قلبكم

تسلمين حبوبه
طريقتها مثل المسأعه ( مسقعه)

ما قصرتي يا الغالية

تسلم اييدج