كيكة جبن الكيري …والطعم جنان ^^

اليوم حبيت اراويكم كيكة جبن الكيري من تطبيقي

وان شااء الله تعيبكم والاقي تطبيقاتكم عليها ^.*

يالله نبدأ بالمقادير :

1 ك طحين
1 م ك بيكنج بودر
1 ك سكر ناعم
4 بيضات بس انا حطيت 2 لاني ماحب زفرته
2/1 ك زيت
1 م ص فانيليا
2/1 ك حليب
4 حبات جبن كيري

الطريقه :

رقم 1 >> البيض والسكر مع بعض لين يتكاثف
رقم 2 و3 >> شكل البيض وهو متكاثف وبعدين احط عليه الزيت والحليب والفانيليا واخليه ينخفق زياده

وبعدين الجبن كيري

وبعد ماينخفق ومعاه الجبن كيري احط الطحين (وماانسى انه الطحين معاه البيكنج بودر )

وهذي الكيكه واهي فالبايركس قبل مادخلها الفرن

اشغل النار من تحت اول على نار عاديه لين ماتفوش وبعدين اشغل فوق عسبت تحمر الكيكه

والحين اروح اسوي شي للوجهه

وانا هني اخترت الحليب المكثف مع جوز الهند

2/1 حليب مركز
2 م ك جوز الهند مبشور

احمر جوز الهند على النار واحط عليه نص علبه الحليب المركز

وهني مع بعض كيف الطريقه

وهذي صورة الكيكه قبل وبعد

والحين نرووح للنهااااااااااااااااايه ^^

ها شووراكم ؟؟؟

^^

يمي يمي

وهذي القطعه حقي مايخصني

مااااااااشااء الله عليج كراعين نمله مامداني انزل الكيكه خذتيها ههههههههههههههههههه

بالعاافيه عليج غنااتي

رووووووووووعه..
صدق عذاب..
باجر بإذن الله بسويها وبحاول احط الصور..
تسلم يمناج..

هههههههههههه الحين ادور وصفاتج ومواضيعج

اووكي وبتريااا فديتج

الله يعاافيج حياتي

اووكي خخخ

مارح تلاقين واايد لاني بس من فتره بديت احط مواضيعي

ويوم اني شفت هالتشجيع خلاص كل يوومين بنزل شي يديد