اليوم عملت كيكة بجد خفيفة خفيفة خفيفة وهشة وناعمة ونكهة البرتقال فيها بتجنن عقد مو طيبة هاد غير ريحتها ….. ( دعاية غير شكل )
يعني مارح امدحها كتير الصور رح تبرهنلكم هالشي ….
بالاول احطلكم المقادير :
مقاديرها كتير سهلة : بالخلاط نحط 3 بيضات مع كوب ونص سكر ومعلقتين صغار فانيلا نخلطهم منيح حتى يصير الخليط ناعم وابيض بعدين ننقلهم لزبدية غميقة ونضيف 3/4 كوب زيت وكوب عصير برتقال ونخلطهم منيح .. بعدها نضيف كوبين ونصف طحين منخول ومعلقتين بيكنج بودر ورشة ملح وقدر معلقتين كبار بشر برتقال واذا اكتر شوي مافي مشكلة بتطلع اطيب ونخلطهم شوي حتى يتجانسو مع بعض وبعدين نصبهم بقالب مدهون بالزيت والمرشوش بالطحين وندخلها الفرن على حرارة 180 ….
وبالاخير هيك بتطلع شوفو :
شوفو من جوا كيف منظرها :
شوفو كيف هشة :
وكمان طرية :
شوفو كيف منطر بشر البرتقال فيها حلو :
صدقوني كلهم مدحو فيها وانتو جربوها ودعووووووووووووولي ماتنسوني هههههههه
صحتين وعافية على قلوبكم ….
يسلمووو الايادي
اول ما تنزلين موضوع سيده احطه ف المفضله
حبوبة انا عندي صينية داايرية ينفع ولا ؟؟؟ اذا ينفع كم درجة الحرارة وانشغل فوق وتحت ؟؟
…..
بتوفيق
المشاركة الأصلية كتبت بواسطة قنيصة شوا&ـين 
حبوبة انا عندي صينية داايرية ينفع ولا ؟؟؟ اذا ينفع كم درجة الحرارة وانشغل فوق وتحت ؟؟
…..
بتوفيق
عزيزتي اذا صينية عادية دائرية وغميقة شوي لازم تكون عميقة يعني مشان الكيكة تاخد راحتها وقت تنفش كمان بيمشي الحال ودرجة الحرارة نفس الشي والتشغيل من تحت