كيف تخطبون لخوانكم رعاية الاطفال

يعني انا اعاني بصراحة اخواني كلهم اصغر عني وبحكم اني اكبر البنات ملزومة ويا الوالدة الله يطول بعمرها ويخليها لنا ندور لهم عرايس ..المشكلة اني مخلصة جامعة ويالسة في البيت يعني ما لي اي احتكاك ويا بنات من المحيط الخارجي للبيت غير صديقاتي وهم اكبر عن اخواني وبعضهن متزوجات

جربنا موضوع انه امي تسحبني اسير وياها عروس الناس اللي يعزمونها ونعرفهم عشان نشوف ونختار ..بس بصراحة الاختيار من العرس صعب جدا اول شي البنت ما تنعرف هل هي حلوة او مب حلوة من المكياج ..هذة نقطة ثاني مشكلة منو بنسأل عنها داخل العرس اذا اللي ويانا من الاهل قالو ما نعرفها بنت منو

اختي في الكلية بس ما منها فايدة اونه ما اعرف البنات بنات منو ؟

ربيعتي رشحت لي خوات صديقاتها بس من خارج الفجيرة يعني دبي وابوظبي الموضوع جدا صعب اول شي اخواني ما يبون بنات من بعيد ..ومنو بنسأل عنهم يعني شوي الموضوع معقد.

انتو في هذا الموقف ..كيف تخطبون لاخوانكم اذا ما تعرفون بنات مناسبات من المحيط القريب منكم والله تعبت احس اني مربطة ؟؟؟
طبعا احنا ما زلنا نسأل معارفنا وكل حد يرشح لنا بس سبحان الله ما يصير نصيب يا من صوبنا او صوب اهل البنت وناس تقول ما نعرف وناس تكيل الحطب تحت قدرها (ليش ما ياخذون بنتنا) بنتكم نعرفها لو نباها كنا خطبناها .