كيف اعلم بنتي تترك البامبرز للسياحة

السلام عليكم يا أمهات
الله يسلمكم انا عندي بنت عمرها الحين سنتين ونص الله يحفظها
وللحين البسها البامبرز وأبي اخليها تتعلم تروح الحمام بروحها بس ما عرف كيف
ولا عندي حد اسأله لان أهلي كلهم في غير دوله فقلت مالي غير خواتي ف المدونة بيساعدوني
للعلم بنتي للحين ما تعرف تتكلم عدل ومب عارفه كيف افهمها تروح الحمام
أتمنى أنكم تساعدوني وكل وحده تكتب طريقتها كيف خلت عيالها يروحون الحمام
والسموحه منكم

امممم كلميها بلغتها وشي قيصريه اظني جي يسمونها هاي حق البيبات للحمام ( عزكم الله ) خذيلها واحد قوليلها ماما يوم في ببي قوليلي عشان اوديج الحمام في البدايه وايد بتتعبين بس شهر ولا شهرين بالكثير ان شاء الله وبتتعلم .. ترا هالشي في نوعين نوع ينحط ع المرحاض ( كرمكم الله ) وشي يكون اوردي تحت يعني بروحها تقعد عليه انتي خذي الانسب لها وتمي سأليها بين كل ساعه وساعه ماما في شي تبين تروحين الحمام وامسكيها ودخليها الحمام وخليها تقعد عليه لين تتعود وعقب بروحها بتييج ولا بروحها بتروح .. وربي يحفظها لج

مشكوره فديتج على الرد وأنشأ لله بأخذلها واحد نفس اللي تقولين عنه
وبجرب وياها
ما قصرتي

انا ولدي بروحه تعلم يروح شوي شوي لين فهم

مشا الله عليج احساس نمله من وين لج ها الخبره عسل. انا بعد عندي نفس المشكله مع اني عندي قبل اولاد فكل واحد يتعلم من الثاني ويحاول يقلده بس هذه بنت ما اقدر اخليها اتشوف الاولاد كيف يسووونها بس بعد كل شئ يباله صبر وتعب في البدايه ومايباله كسل يعني تصميم ولازم تفرغ بس لها ورياضه كل شوي الحمام واركضي وجهزي عدة التنظيف كل شوي امسحي ونظفي بالديتول شغلانه وفي النهار ارمي البامبز وفي الليل ضروري وبالتدرج ولازم اتودينها الحمام قبل ما اتنام وعند الفجر وبعد ما اتقوم كل ربع ساعه الحمام حتى لو ما طلبت بس اذا طلعتي المول انسي لازم حفاظ عشان ما تتوهقين بثيابها. انشالله افدتج وانشالله اطبق الكلام اللي اقوله واحل مشكلتي مع بنتي

اممممم انا بالنسبه لولدي كنت اول ما اشوفه يريد ينزوي عشان الله يعزج يقضي حايته ابطل عنه البامبرز واخليه يقضيها فالحمام هاي للعوده من يوم كان عمره سنتين الين ما كمل سنتين ونص من يقضي العوده فالحمام الله بعزكم ارد البسه البامبرز وبالنسبه للصغيرونه اول ما ينش كنت اشله الحمام عشان يشوفهااا يوم تنزل لانهم ما يشوفون عمارهم يوم يقضون الحايه ..
الصغيرونه دربته عليها يوم عمره سنتين ونص بس مدة اسبوع وتعود ع الحمام ..
للعلم انا ولدي نفس الشي كان ما بعرف يرمس عدل بس الشغله يبالها صبر..

اذكر امي ويا اخواني التوأم كان عمارهم ٦ شهور كانت تقعدهم ع القيصرية وتقول لهم (اي اح) هههههه هذا الي أسمعها تقوله وكان ابوي الله يرحمه كان لما يبي يسير الحمام ياخذهم وياه ويقعدهم عليها حزتها كان عمارهم سنه
ماشاءالله ع امي عندها وساعة بال