شخباركم يا حلوات
أنا أحين مالجه ومب عارفه كيف ارتب قسمي الصغير آلي هو غرفتين وصاله ومطبخ صغير طبعن بيكون فبيت أهل ريلي فدييتكم إلي عندها أفكار أو صور غرف نوم ووووو لا تبخل عليه بغيت فزعتكم ب أفكاركم الحلوه كيف يكون الأثاث ولون الجدران والتنسيق وكل شيء
ب انتظار ردودكم
رتبي افكارج منه
حصلت درج حق مطبخ اتخيلى فيه مكان للمكرويف والكناسه
والكاويه ولسطل الممسحه يعنى عجيب ومقاسه مترين بس
يعنى صدق ينفع للامكان الضيقه
رتبي افكارج منه
حصلت درج حق مطبخ اتخيلى فيه مكان للمكرويف والكناسه
والكاويه ولسطل الممسحه يعنى عجيب ومقاسه مترين بس
يعنى صدق ينفع للامكان الضيقه[/COLOR
تكرمين اختي ممكن تصورين لنا الدرج
بس لاتكثرين من الالوان الذهبية او الفضية خليه خفيييييف جداً
عشان تقدرين تغيرين فراش السرير بالوان متنوعة واشكال مودرن من باب التغيير
وخلي الستارة موديلها بسيييييط جداً المهم القماش ويفضل ماتكون فيه نقوش بالوان واضحة
اكيد بيعتمد على طقم الجلوس اللي بتحطونه
هذا مثال لصالة صغيرة فخمة
واذا مودرن ممكن مثل هذي الصور
بس ضروري انه يكون في تجانس في قسمج يعني اذا غرف النوم كلاسيك نفس الشي للصالة
واذا مودرن الصالة بعد النوم يكون مودرن
لكن بالنسبة للالوان
اذا بتختارين الوان فاتحة للنوم حطي الوان واضحة في الصالة مثل الصورة مدخلين الروزي او دخلي الاحمر او الكحلي او اي لون مع اللون الاساسي اللي هو لازم يكون فاتح عشان يعطي وسع للمكان
انا احب الاحمر مع الستيل حق المطبخ لكن لا تدخلين اسود معاه عشان مايقوي اللون الاحمر فوق ما هو قوي،، دخلي الرف يكون رخام او غرانيت لون على رمادي فاااااتح او بيج اذا حابة بس الرمادي يمشي اكثر مع القبضات الستيل (الغرانيت اقوى وعملي اكثر من الرخام)
اهم شي في المطبخ تاخذين ثلاجة حجم مناسب لحجم المطبخ واحتياجاتكم والفرن يفضل تاخذين كهرباء مب غاز لانه مطبخ تحضيري مب رئيسي بعد توفرين مساحة اسطوانة غاز
ويفضل اللي ينحط على الغرانيت او الرخام مب تدخلين الفرن بكبره وسط الرف عشان النظافة وقت الطبخ لو انجب شي مايطيح بين الفرن والكبت ويجمع دهون ووسخ،، مب كل مرة بتسحبين الفرن عشان التنظيف ومهم جداً غسالة صحون في احجام صغيرة وتتركب قريب من المغسلة