انا ما كتبت هذا الموضوع الا لاني مستائة ومتضايجه من اللي صار لي قبل فتره بسيطه …….
بخبركم السالفه ………وخبروني رايكم
الله يسلمكم وحده من البنات شافتني وعيبتها عبايتي ….وطلبت مني افصل لها شرات عبايتي….بس بقصه ثانيه …وتبا حركه في الكم ….وانا صورت ديزاين الاكمام اللي تباهم …
وكانت مستعيله وايد .لان عندهم مناسبه..وخلصت لها العبايه من وقت …عقب ما استلمت العبايه قالت والله مب شي وانتوا مخربينها لي ..الخ ….مع انها هي اللي طلبت مني ستايل العبايه واللون …
قلت لها مب مشكله بضبط لج العبايه ………وبالفعل عدلت لها وكل شي ……وعقب يومين …اتقولي والله انا اباج اتغيرين قصة الاكمام …واصلا مب شرات اللي انا اباه …قلت لها انا عندي صورة الديزاين وسويت لج شراته …وتمت اتغير وايد ….في الديزاين …
يعني 3 مرات غيرت …وانا استعجل الخياط عسب يخلص العبايه من وقت ….وتركنا شغلنا وطلبات العبايات والفساتين عسب بس انعدل العبايه حسب طلبها
طبعا انا صدق اتضايجت منها لان سارت وخبرت البنات ان نحن مخربين عبايتها ..ألخ ….يعني مب حلوه بين الناس والبنات جذا ترمس …..اتشوه سمعتي …مع اني سويت اللي هي طلبته مني …ولا بعد يحليلي وصلت لها العبايه إلين بيتهم …………
المهم انا ما ابا هذا الشي يتكر معاي مستقبلا …………..
شو رايكم ……..هل اتخذ قرار ان ديزاين وقصة العبايه ما تتغير ……بس اللون ممكن انغيره ؟؟؟؟؟؟؟؟؟؟
ولا يمكن هذا الشي بيأثر علي بشكل سلبي ………..ولا عندكم حلول ثانيه ؟؟؟؟؟؟
يعني مره وحده شفتيها تمادت وتبا تزيد من عندها خلاص لاتغيريلها وحطيه شرط من شروطج في التفصيل
وموفقه الغلا
انا يالسه اجهز لمشروعي مال العبي وجيييه
وصدقج حطيت فبالي هالشي
بالعكس بسوي قانون انه اذا تبيني اغير قصه العباة , ما اتحمل
اي مسؤوليه اذا ماعيبتها
بصراحة البنات اللي جييه-مب كلهم طبعا- يبيلهم حد يأدبهم
وسلامتتج
<< استوويت جدية زيادة عن اللزووم خخخخ 
بس هذا رااي !! 
وبعدين :لا ترمى الا الشجرة المثمره واكييد دام البنت جييه حشرة فأكيد اهلها
وربعها يعرفوون حركاتها وانه بس حشششرره , بصراحة لو انا بمكانها
بسكت وبشل العباااة وبلبسها , لو ان العباه نفس الديزاين بس القصه متغيره
موفقه الحب ولج اموح ولا تزعلين
!!!
رضاء الناس غاية لا تدرك
الحين لو المصممة سوت غلط بسيط سواء فالقياس أو الموديل شو يا ما فججتجها من حلج الزبونة
لا وهاالأخيرة ما تخللي حد ما تخبره
حتى فيه بنات الله يستر عليهم يشهرون بالمصممات فالمنتديات وهالشي حرام شو هدفهم يقطعون رزقهم مستحيل لأن الرزقفي يد رب العالمين
عزيزتى انت اعتمدي قصة وحدة ولا تحاولين تغيرين لهن
لان إذا ما شافت الزبونة الموديل عالطبيعة ما بيعجبها وهذا رأيي
الله يعينج على اللي ياينج مادامج توج داشة هالمجال
موفقة