كيف اتخلص من آلالام الرضاعة للساحة الامارات

من العنوان مبين موضوعي كيف أتخلص من آلالام الرضاعة الطبيعية مع اني مربية من ثلاث أسابيع والتشققات بعدها والله اني اعاني يوم يرضع ولدي مني…. شو الحل

وساعات أحس ان جسمي تعبان ما أقدر أتحرك………. ممكن يكون من ألام الرضاعة

بليييييز أفيدوني

ألف مبروك و الحمدالله على السلامة
أول شي بالنسبة لتشققات من تجربتي ما نفع وياي غير زيت الزيتون و حاولي تتغدين عدل عشان يكثر الحليب و انتي بترتاحين و الياهل بيشبع و كثري من الماي و العصير و الحلبة بعد زينة للحليب و الرهش
و بعد كمن شهر بترتاحين انشالله

حطي كريم bepanthene من الصيدليه ، هذا وصفته لي الدكتوره فالوصل واذا بترضعين ، امسحيه أو اغسليه بس هو مايضر
و رضعي وايد عشان تترطب المنطقه

معظم الأمهات ما يعرفن أنه في الشهر التاسع من الحمل يبتدن يسون مساج للحلمه علشان تخفيف بعض من ألام
الرضاعه وهذا المساج يساعد من عدم تشققها وقت الرضاعه.

هييه انا صاار فيني جي جربت كريم بالمرز للتشققاات الصدر من الصيدليه بصراااحه خف عني خلال اسبووع الله يعيينج وااايد يعووور

احســن حل واســرع .. انج بعد الرضاعة … تحطين اشوي من حليبج على الحلمة … وبتشووفين اشلون يخــف ابســرعه …

مشكورين على مروركم الطيب