كيف أسوي جيكن بتر ؟ …. نفس المطاعم الهنديه للمطلقات

ساعدوني فخاطريه اسويها بنفسي

كيف اسوي جيكن باتر نفس مطعم الصقر فالعين ونفس مطعم القيصر فدبي ؟
أقصد نفس الهنود ؟ عجيب طعمه ويااالله يوم تعصرين عليها ليمون وتاكلينها مع خبز نان أو باراتا ؟

خبروني دخيلكم ؟

هلا الغالية انا بخبرج وان شاء الله افيدج

المقادير : دياي مقطع مكعبات صغيرة ومفوح + بصل مقطع صغار + فصين ثوم فرش مع زنجبيل فرش مطحونين مع بعض + طماط مقطع صغار

الطريقة : اتحمرين البصل مع شوية قرفة مطحونة .. لما يتحمر البصل اتضيفين الثوم والزنجبيل والطماط

واتحطين البهارات كركم وكمون وبزار وفلفل احمر حار وبهارات هندية اذا عندج ..وحطي الدياي وحركي المزيج مع بعض

آخر شي حطي روب ف الجدر وخليه شوي عسب يتشربه الدياي …اذا تبينه شرا الصالونه زيدي الماي وخليه يطبخ

لين مايثجل شوي ..

ويقدم مع خبز النان او العيـــش

شكرا ياضبية الامارات جربت أحط روب بس ما طلع نفسهم

الغاليه هالرابط بيراويج كيف اتسوينه بالفيديو لكن بالانجليزي
والطباخ هندي
وانا امجربه
طلعة 100%

https://www.videojug.com/film/how-to-make-murgh-makhni

s.alhashimi.86

بيض الله ويهج
وسلمتي الغاليه
ويزاج الله خير

لازم أنجربها في البيت

شكرا الغلا و hontha