اليوم اتصلت على احد المكاتب السياحية ابا احجز لميونخ ان شالله من 1/7 لين 18/7 2024 قالوا
لي التذكرة للشخص الواحد 4150 درهم قلت الهم برد عليكم …
وفتحت عقب على موقع طيران الامارات ولقيت التذاكر ارخص بوايد 3855 درهم تقريبا يعني الفرق
الفين وايد الصراحة الحين هل الموقع امن … اقدر احجز من خلاله وشو الخطوات المتبعه وكيفيه
الدفع ولو بغيت اعرف الكراسي اللي بنيلس عليها فالطيارة ونوعية الاكل —-الخ
ياليت حد من الخوات اللي حجزوا عن طريق الموقع يحط لنا كيفيه الحجز ولو بالصور بيسوي خير
بوايد ناس يبون بس يخافون … اتريا ردودكم على الموضوع …
ما أعتقد انه صعب لأنه الخطوات تكون واضحة جدامج
انا دخلت الموقع وحجزت وحطيت الاسامي بس يوم ييت عند الدفع لقيت حاطين بس خياريين
الاول : الدفع بالبطاقة الائتمانية
الثاني : حواله مصرفيه بس
الصراحة ما عرفت شو احط ؟ حاطين شروط وايده وانهم بياخذون البيزات مره وحده وسالفه طويله ..
الظاهر بحجز عن طريق المكتب وبحاول يسوي لي خصم …الله المستعان