أولا :تيبين الخدامه من بلادها وسفرها من غير محرم حرام
ثانيا: جلستها في البيت معاكم وزوجك وابنك الى في سن البلوغ حرام إلا مايكون في خلوة والقصص كثيرة
ثالثا:اثبت علميا اذا ما ربيت ولدك خلال 5 سنوات الاولى وأسستيه وعلمتي صح وكنت معاه مستحيل السيطره عليه بعد
رابعا: ذنوب لاتحصى من وراء معاملتك لها (غيبه ،نمييمه، ظلم ،قهر، شتيمه………………..)
خامسا :فتح ملف في قسم الشرطه (الخدامه طافشة، الخدامه ذايبه مع السايق، الخدامه مدخله جيش من العماله انصاص الليل………………….):1 (63):
@@@@@@@@@@@@@@@@@
الله الغني ما نبي خدامه وعوار راس قررتي …….وفكرتي ………..تعالي معاي أدلش على طريقة سهلة تتخلصين منها ومن الشغل بسرعه و في وقته…………:1 (8): :1 (8):
أولا:حديث الرسول عليه أفضل الصلاة والسلام لسيدة فاطمه رضي الله عنها عندما طلبت منه سبي لأنها تشتكيمن ما تلقى من الرحى في يدها فقال ("ألا أعلمكما خيرا مما سألتما؟إذا أخذتما مضجعكما،أن تكبرا الله أربعا وثلاثين. وتسبحاه ثلاث وثلاثين .وتحمداه ثلاث وثلاثين. فهو خير لكما من خـــــــــــــــــــــــــــــــــادم").صحيح مسلم ص246ج4
هذي الخطوه الاولى قبل النوم.
ثانيا :قيام الليل له فوايد كثــــــــــــــــــيره أسئل الله أن يعيننا عليه وتشربين شوية ماي هذا علشان يحافظ لك على رشاقة جسمك لان يا حبيبتي صح راح نشتغل ونكرف بس ما ننسا أنفسنا وجمالنا وهذا نوع لتثبيت الوزن والرجيم.
ثالثا تصلين الفجر في وقته وتقرين قرآن بعد الصلاه مههههههههههم جدا يساعدك على العمل بنشاط وهمه.وتبدين ياحلوه العمل في تجهيز الفطور السندويشات للأطفال الحلوين والشاي للحلو زوجك لاتنسين أذكار الصباح وانت تشتغلين.
طبعا يفضى البيت أو يكون عندك بنوته او اثنين معاك تفطرون مع بعض .هذى اللحظه لازم تستغل صح يعني تغسلين تكوين وتنظفين وإلا تنامين ؟؟؟؟؟؟؟؟؟ لا والف لا يقص عليش الشيطان اشتغلي……..
رابعا لحظه حاسمه صلاه الضحى من اليوم وساير ما أفوتها أبداااااااااااااااليش شوفي النتيجه بعدها قوة إلاهيه في الجسم تشربين ماي وتبدين تكملة العمل طبعا ابعدي عن المسلسلات الي تآخذ العمر ولا منها فايدة فاضيه خلصتي شغلش سوي رياضه في يوم حطي ماسك لوجهك وانت تشتغلين في يوم سوي كيكه لعيالش جلسي يوم في الاسبوع على النت ما لازم كل يوم ، التلفون خفي عليه شوي ، ما لازم تروحين عن جارتك كل يوم
شغل عقللش رتبي يومك علشان تحققين هدفك هو أرضاء ربك والسعاده لزوجك واولادك التخلص من المبيد الحشري الخدامة الاستمتاع بالعمل والحصول على قلب صحى صافي وجسم رشيق وبدون رجيم
خامسا وقت تحضير الغداء جهزيلهم طبخه حلوه من ايديك الناعمه النظظظظظظظظظظيفة والله بتحصلين الاجر والثواب والصحه والعافيه يلا ماشي وقت بيون اليهال وأبو اليهال يعني فهي لازم تتعدلين وتتعطريين وجهزي البخور (لاتكثرين ما زين وايد) انت في هذه اللحظه تستعدين نفسيا للهجوم الي داخل عليك .اذا كانوا تعبانيين من يشوفونك ينسون التعب لازم تاخذينهم وتخليهم يتنظفونا لانها تفتح نفسهم للأكل. انت في هذه الحالة مخلصه نصف الشغل تقعدين معاهم تشربين شاي الاخضر قليل السكر اذا ما عندش وقت تنامي لتجديد النشاط والرجيم بعد وتبدين تذاكرين لهم والعصر تعطيهم سويت ان شاء الله فوشار وهو من يديك لذيذ.والمغرب لاتنسين أذكار المساء قوليها جماعه انت وعيالش دخلي انت والبنات حظري أكله خفيفة للعشاء ويا مكثرها في المدونة المهم لاتفكرين تشترين من برع البيت ان شاء الله تسوين خبر رقاق وبيض
وبعد العشاء تعبانه ومنهد حيلك أدري رتبي على الخفيف البيت وروح نامي حدش السهر لين 9:30 أو بالكثير 10 لاتزيدين عودي أهل البيت على كذا وطبعا نبدأ البرنامج من اول كل ليله .gif "12 (17)")
أدري طولت واااااااااايد بس اليوم طويل مفعم بالخير والنعم والبركه من عند الله.
بس نسيتي شي الزوج وين موقعه
انا عن نفسي ريلي لازم يعقد معاي ويتكلم لين ما نرقد وانا اذا سويت هذا كله ريلي يحليله طاف
انا معاك في كلامك واكره الخدمات من كثر مشاكلهم الوسخة في البيوت , عندي استعداد اسوي اي شي الا اني ايب خادمة ( قنبلة موقوتة ) في بيتي .
حاليا عندي بنغالي على كفالتي يجي ينظف الحواش والمطبخ وادخل البيت ويتوكل على الله ماشوف رقعة ويهه الي ثاني يوم .
انا كذيه مرتاحة لا هم خدم ولا سوالف وماخذه راحتي على الاخر في بيتي وطبعا انا الي اطبخ او امي
وانا الي اغسل الثياب .
يعطيج العافيه على النصائح
والشغل علي هذا غير الضيوف الي يجون انا لو كنت لحالي مع ريلي وعيالي كان دبرت حالي …………..انا استغرب من حريم يجوبون شغلات وهم عايشين في شقة او في بيت صغير ؟