اولا أحب اشكر بنت العم كبريائيه لانها سمحت لي استخدم نكها ,,
انا عضوه جديمه فالمدونة ونكي اشهر من نار على علم
وعشان جي ماحبيت اكتب بــه ,!
الحاله الاجتماعيه: متزوجه من سنه!
ماعرف كيف ابدا اعرض موضوعي وبالااحرى ماعرف شو السبب الي خلاني
ارفع سيادة الصلاه وبدال لا اسير اخمد ييت اكتب الموضوع !!
بس في كمن عبره وعظه في قصتي حابه افيد غيري بها علّ تدر علي بحسنات
او دعوات صادقه من القلب وأكسب أجر ويرفع ربي عني معاناتي الحاليه !
السنه الي طافت بشهر 7 تحديدا كنت انسانه محطمه وكئيبه
كنت أحب انسان ويحبني بغض النظر عن نوع العلاقه الي جمعتنا او صله القرابه
بيننا…… تولد الحب بيننا ..
كان اعقل عني اعترف كنت هبله بحكم صغر سني والاهم ضعف الوازع الديني!
لدرجه اطلب منه اشياء ويقول لي لا يوم بنعرس ..اتريـــي !!!!!! ( لهدرجه كنت هبله)
استغفر الله والحمدلله على نعمه الدين ,,
وليش كنت كئيبه.. لان اهله بغو يزوجونه وحده من اهلهم وهو صارحني
وكأي بنت غبيه تميت اصيح واكتئبت وحاولت اضغط عليه ونفس الوقت حاولت ابعد عنه
بس سبحان الله هالشي كان بدايـــه هدايتي !
من كثر ما كنت أباه ,, التزمت بديني!!
لاني حسيت هالشي الوحيد الي بيقدر يحول بين زواجه بغيري !
واول شي سويته دشيت قوقل ودورت مواضيع عن التوبه
وكانت بدايتي من هالحديث الشريف /
– " ما من عبدٍ يذنب ذنباً فيحسن الطهور ، ثم يقول فيصلي ركعتين
ثم يستغفر الله إلا غفر الله لهُ "
فصليت ركعتين وستغفرت ربي لكل ذنب كنت اسويه ..
فأول نقطه للتغيير واضبت ع صلاتي الي كنت اصليها قبل فرض وفرض لاء ,,
وقضيت الايام الي ما صمتها فرمضان ,,
وشوي شوي بديت ادش الاقسام الدينيه ف المدونة وأدور ادعيه تفيدني
وقريت عن الاستغفار وفوايده ,, وسيده سرت خذت لي مسبحه بـ 100 حبه ,,
وكل حبه كنت استغفر فيها 3 مرات ,, يعني اخلص دوره كامله وانا مكمله 300 ,,
عقب ارد استغفر بالحبه مرتين واكمل بالدوره 200 ,,
جي اكون استغفرت 500 مره وارد اكرر الحركه لين اوصل 2024 مره فاليوم ,,
ومع الوقت خذ لساني عالاستغفار وخذت يديني عالمسبحه
ستويت عقب كل صلاه استغفر 1000 مره يعني بمجموع 5000 مره فاليوم !
ولله المنّه والحمد ,,
هذا كله من كثر ما أقرا عن فوايد الاستغفار وبخبركم نتايجه وياي ,,
ومع مواضبتي للصلاه قريت عن النوافل وفضلها ,,
وحاولت اواضب عليها ,, يعني عقب صلاه الظهر والمغرب والعشا وقبل الفير لازم ركعتين نافله,,
وقريت عن الصلاه الوسطى = صلاه الضحى واجرها ,,
فكنت انش وأصليها بعد !!
وقريت عن قيام الليل وافضاله العظيمه بالثلث الاخير من الليل
بس كنت أصليه متى ما حسيت اني منهاره وابا اصيح وارفع يديني لربي
يعني توصل الساعه ثنتين ايلس اصلي ركعتين قيام الليل واتم استغفر
واأسبح واذكر الله لين الفير اصلي الفير ومن التعب ارقد ,,
ماكنت احصل وقت ارمسه شرات قبل.. لاحظ التغير هو و كنت اقوله أوّل بأول
واشجعه يلتزم وياي عشان الله يحقق مطلبنا ويجمعنا!!
لان ايد وحده مااااتصفق !!!!!!!
وقريت عن افضال سورة البقره وما أنكر اغلب المعلومات خذتها من مدونة
سيدات الامارات كتب الله الاجر لكل وحده نفعت غيرها بهالمعلومات والمواضيع
بس ماكان يمديني اقراها كامله بحكم الجامعه وامتحاناتها
وبحكم انشغالي بالجدول اليديد من الاذكار والصلوات والادعيه ,,
فكنت اقرا فكل يوم جزء واحد!!
واخر شي سويته من الاعمال الصالحه الي حاولت اتقرب فيها من ربي واكسب
رضاه الصدقه,, لاني سمعت انها تطفئ غضب الرب ,,
كنت احاول اتصدق باللي اقدر عليه ومتى ماقدرت ,,
كل هذا والنيّه شو ؟؟ النيّه ان ربي يرضى عني ويكفّر ذنوبي
ويجمعني بالشخص الي حبيته بس بــالحـــــــــلال ! !
ناهيكم عن اذكار الصباح والمساء ,,
عقب صلاه الفير وعقب صلاه العصر لدرجه اني حفظتهم ,,
والاذكار الي تزيد الحسنات وتمحو السيئات مثل ( سبحان الله وبحمده 100 مره فاليوم)
والصلاه عالنبي 100 مره فاليوم ..
والتكبير والتهليل وكل دعاء طاحت عليه عيني حفظته وكنت ادعيه ,,
وطبعا لايجتمع الشح والايمان في قلب عبد ابدا ,,
مع هالالتزام امتنعت عن الاستماع للاغاني
وحتى نغمه قريتيون قلبتها دعاء ,,ومسحت كل الاغاني من لابي ومن فوني..
وكل الي فلسته البلاك بيري وسوالفهم تافهه حذفتهم ومع الوقت كنسلت البلاك بيري
لانه كان ياخذ من وقتي ..ويلهيني
غير جي التزمت بحجابي ولبسي اكثر …
بشكل عااااااااااام كل المنكرات الي كنت اسويها من غير حس مني او اهتمام
راجعت نفسي فيها ماكنت ابا مدخل واحد للسيئات وقد ما اقدر اجمع مدخلات
للحسنات وكسب رضى الرب ,,
ومع كل هالجهد الي كنت احس اني ابذله ,,
كنت كل ما احصل فرصه اكلمه يحبطني ويقول بيروحون يخطبونها ,,,
شفتها نظره شرعيه ,,
عطونا موافقه مبدئيه…………الخ
يعني ماكان في ذره أمل ان ممكن الله يجمع بيننا!!!
وكل هالكلام كان بدال لا يحبطني يزيدني اندفاااااااااااااع لربي ..
لدرجه يت فتره اصييييييح اقول ليش ياااااااااااارب هذا وانا اتقرب منك
وماخليت شي ماسويته ليش ياربي وانت تقول ( ادعوني استجب لكم )
جهل وتخلّـف مني !
ماكنت ادري إن النيّـه اهم شي ,,
لازم اخلص نيتي لربي.. وأحبّه قبل لا أحب اي شي ثاني غيره!
ماكنت أدري اني لازم اكون موقنــه = وشديده الايمان به وانه قادر
يغير حالي متى ما شاء ..وان ( عسى ان تكرهو شيئا وهو خير لكم )
وعرفت ان في اوقات لاستجابه الدعاء ,,
انتهزت كل فرصه ,, كنت اتريه يوم الجمعه اقرا سوره الكهف بها واتم ادعي فكل ساعه
تخيلو والله وانا يالسه وسط اهلي مافوت ساعه تمر الا ادعي ان الله يجمعني به !!
لان فيوم الجمعه ساعه مستجابه ,,
وقريت ان قبل لاتغرب الشمس يعني اخر العصر جي الدعاء مستجاب
كنت لازم اسبح واستغفر واتم ادعي ..
وعقب كل صلاه ادعي ,,
وبين الاقامه والصلاه ادعي ..
وكل ماسمعت الديك يصيح ..ادعي ,,
وكنت اتريه رمضان بفارغ الصبر بس عشاااااان اكثف من عبادتي ,,
يعني بالمختصر المفيد كنت جدا لححححححووووووووووووووووووووحه..
جدا جدا..
وما شفت اي تغيير !!!!!!!!!!!!!!
لييشششششششششش؟؟
بعد راجعت نفسي … وقلت اكيد في خلل انا غافله عنه ,,
لين طحت ع مواضيع دينيه تخص االادعيه
وآداب الدعـــــــــاء ..
وعرفت وين الغلط وسبحان الله دخل الالهام قلبي وعشت مراحل الالتزام
بلذّه أكثر من ذي قبل !!
استشعرت الايمان ..والخشوع للرب .. والتضرع التام ..
والاستسلام له .. من غير يأس ولا قنووووووووووووط
لان النيّه الصافيه لوجه الله + توحدت مع حب الله تعالى ..
سبحانك ربي !
وراجعت نفسي وعرفت اذا في غلط وحيد في حياتي انا ادري فيه فهو
استمراري فـالتواصل مع هالانسان
الي ما يحل لي ولا أحل له !
مابقول ودرته 100%
لان التواصل بيننا تم بالايميلات فقططططططططططط
صح عذبني وضغط علي بس قدرت ادوس ع قلبي وع ضغوطاته
لجل ربي ,, ولجل يتحقق مبتغاي الي سعيت له ..
المهم . . . .
لين عقب شهرين ونص تقريبا
بعد ما الكل لاحظ التغيير المفاجئ فيني ..
(للاحسن طبعــا ) ,,
فشهر تسعه فاجأني ان موضوعه تكنسل !
وانه رمس ابوه! وابوه وافق!
وعلى بدايه عشره بييون يخطبوني !!
واختكم ماشاااااااااااااالتهاا الارض من الفرحه ..
سسسسسيده رحت اصلي ركعتين شككر..
(ولئن شكرتم لأزيدنكم ) صدق الله العظيم!
يا منت كريم يا رب عقب ماكان شي مسسسسسسسسسسستحيل
سسسسسسسسسسسسسسستوا شي يسير
يااااااااا منت كريم ياااااااااااااااارب
معقووووووووله والله ماشااااااالتني الارض من الفرحه
كنت احس انه احلاااااااااااااا خبر يوصلني في حياتي
عذرا عالتفاصيل الكثيره الي كتبتها بس يعلم الله لتعم الفائده
لان النتايج اثمرت بفضل ربي خلال شهرين بضبط !!!!!!!!!!!!!!!!!!!!!!
يتبع
…
وما انكر فضل الشهر الكريم والاواخر وغيرها من عبادات في هذا
الشهر العظيم ….
ماتتمنون تشوفونها حتى باعدائكم.
ألجأ لربي وما حس فيها من كثر تمسكي بربي
قااااااااااااادر عز جلاله ان يساعدنا في هذه العثرات الي تواجهنا..
بالعكس كنت أشد من عزمه ..
اقوله خير لنا… اكيد في حكمه .. اكيد في سبب ووراه خير لنا..
كانت ايام لذيذه على صعوبتها..
مابدخل فيها ولا بخوض فيها بس…….
جمعنا الله تحت سقف واحد وبالحلال..
وكبرررررررررر رررررررررراااااااااااااااااااااااااااسي
حسسسسته ان لولا التزامي بربي وإلحاحي ويقيني باستجابته لي ماجمعنا ربي!!
ووووعشنا احلا شهر عسل ,,
ومن عقبها واختكم تشوف الويل من أهله ,,
ليش؟؟؟؟؟مممم يمكن لان ماطاع ياخذ الي يبونها وخذ الي يباها ..؟؟
يمكن لان حاسديني عليه وحاسدينه علينا؟؟
اي اثنين يمرون فيهـــــــا ..
والحميات الي وحده اوكي .. والثانيه تغار وكله تقلد..والثالثه فحالها ماتتدخل..
يتأخر احيانا ..يسهر احيانا..يبطي..
ينشغل عن حرمته وبيته ..بالكوره وهواياته …………الخ
حياتنا الاجتماعيه بدت تتدهوووور وبشده ,,
لان كلهم يدرون انه اختارني من بد البنات
وفضلني على بنات اهله ,, الي كل وحده فيهن تتمناه
قلّت عبادتي عن قبل خص الاذكار والادعيه
وباختصار….
وصلت لمرحله احينه .. ابا اطلق منه!
مالي ويه ..
وانا ماكتبت هالموضوع الا لجل اجدد ايماني بربي
اعترف بتقصيري يارب..واعترف بـجهلي واسرافي بخطأي
ماعرف شسووي الموضوع كبير بيني وبين اهله
خص انهم مايبوني وصرّحو له بهالشي وهو ضايع بيني وبينهم خص امّه
بس مادري اتنازل واضحّي واصبر واسكت وابلع العافيه وأرد
ولا اطلب الطلاق واريح راسي واتحمل نتيجه إلححاحي
احس الدنيا صدق ماتسوا .. في اشيا نتمناها موووت واذا ماصارت لنا
نزعل ونضيج نتحرا انه نهايه الدنيا
وفي اشيا حصلناها بس…..!!!!!!!!!!!!!!!!!!!
صح حصلت مبتغاي واحمدالله ألف مره لكن يوم اشوف الحال
الي وصلت له اقول سبحان الله ,,!!!!!!!!!!!!!
صدق دار شقى.. وتعب..ولو دامت لك لدامت لغيرك!!
الله يعوضنا بالاخره ويرزقنا حسن الخاتمه
وماطلب منكم غير الدعاء وماكتبت قصه تغييري الا لان بنكي الثاني وايد بنات يسألوني
كيف الله جمعج بالشخص الي تمنيتيه لاني صرحت مره بذاك النك وماكتبت الاسباب
اني قريت عن موضوع قانون الجذب وانا اتصفح فالمنتديات الفتره الي كنت ادور فيها عن الادعيه والاذكار..
ونزلت الفلم اسمه (سيكريت) من موقع عربي
مترجم للعربي مصحوب بأدعيه وأيات قرآنيه
ونفعني وايد والله في طريقي للوصول لمبتغاي
ما الذ شعور التقــرب مــن الله . . لاآى يضاآآهيـــه شعــور وربي . .