اكيد حنستفيد من موضوعك
مرات كثيييرة بنضيع وقتنا في اللف في المولات عشان نشتري شي معين مرات ما بنحصلة مرات بنحصل اشياء بايخة و نشتريها بالعجلة و تم في الكبت
لو كل وحدة تقول شو المحلات الي اشترت منها و شو الحلو في السوق هالفترة اكيد بنقتصد وقت كثير
عني انا لسة ما اشتريت شي بس بغيت اعرف وين ممكن احصل جلابيات حلوة باسعار مناسبة مو بالضرةرة ماركة؟
مشكوورة على الموضوع المفيد
و العباية الشيله من غناتي
و النعال و النشطه من حامد سنتر
انا فصلت جلابيه كويتيه من المنتدى ….. و صلت امس و كانت واااايد حلوه …
و انا ماحب الخياط … بس اضطريت اخيط لان ماحصلت الي في بالي …
خيط تنورتين وحده بيبي قولد و رصاصيه على فضي … و بادور لهم توب دانتيل … اذا ماحصلت بافصل …
و انا احب ملابس انوته … باسير انبش عندهم … يمكن احصل شي حلو …
و العبي .. سويت طقمين عند ماي فير ليدي … و عندي طقم يديد بعد من عندهم لحين مالبسته يمكن اخليه للعيد …
و الله يعزكم النعول طلبتهم من امريكا … و اترياهم يوصلون …
و الشنط خذت من LV و في وحده عند بربري بعد عايبتني بس مادري متردده اخذها …
((( ليحين مالفيت بالمولات …. في الويك اند … باسير … احوط على امحلات )))
عاد أنا غير أحب دايماً اني أزهب للعيد قبل شهر رمضان لأني ما يكون عندي وقت في رمضان وعادة ما تكون المحلات زحمة على قرب العيد فأحب اني أجهز عالراحات …
بس على فكرة الحينة في معرض مفتوح في أرض المعارض بعدني ماسرتة لكن أكيد بيوفر الوقت والجهد عليكن اذا رحتن هناك لأنه تكون أغلب الحلات موجودة فيه …
بنتي ادورلها بس فستان حق صباح العيد
وولدي فصلتله كنادير
وخذتلهم بدل من بيبي شوب في التنزيلات كانوا يايبين اشيا حلوه
وامس بعد خذتلهم كمن لبسه من السنشري مول
باقي التكميلات جواتي وتوك وهالسوالف