كل وحدة تقول لنا كيف اعتنت في عمرها عقب العملية القيصرية لصحتك

مرحباااا بنوتات شحالكم؟؟

الغاليات شو رايكم كل وحدة فيكم تكتب لنا عن عمليتها وكيف اعتنت في عمرها عقب العملية من كل النواحي ..

كيف اعتنت في الجرح من ناحية تطهير وغيره ومتى التئم؟؟

وشو الاشياء يلي كانت تسويها وشو روتينها اليومي في العناية وشو الاخطاء يلي طاحت فيها وبشو تنصحنا يعني كل شيء كل شيء عشان ناخذ فكرة ونستفيد من بعض؟؟

وكيف خففت من الكروشة…. هذي طبعا اهم شيء هههههههه

يالله في انتظار مشاركاتكم وتفاعلكم

انا اول وحد العنايه تكون من المستشفى كل ما تسبحين لازم تجففين الجرح عدل وتمسحين عليه بقطعة القطن ويا السبرتو وفي البيت نفس الشيء ولا تشلين الاشياء الثقيلهوتجفيفه بستمرار وانا مسويه 3 عمليات اما عن الكرشه خلاص انسي الرشاقه هههههههه اسولف وياج بس ما تروح بسهوله

والله انا ماسويت شي عادي خليت الخياطه جي

بس تصدقين امس سرت عند دكتورتي قالتلي ليش جي عمليتج بارزه يعني طالعه على برع قالتلي ان شاء الله بعد ما تربين تعالي عندي بعطيج كريم يخفف اثرها

يعني لو سرتلها قبل جان زين

يؤيؤيؤيؤ الكروشة ماسارت يعني

الله يعين…….يالله الحمدلله على سلامتج حبوبة

ومشكورة على المشاركة

حراااام ليش اهملتي عمرج؟؟؟

يالله تستاهلين السلامة ومشكورة الغالية على المرور

يعطيج العافيه

انا مسويه عمليه قيصريه ثلاث مرات اول اسبوع بيتكونين في المستشفى وعن السبوح وتبديل وتنظيف الجرح بيكون عليهم لاتحاتين ويوم بتطلعين وعقب كم يوم بيبطلون الخياطه او الكبس وعقب بيكون السبوح سهل بس الزم تنشفين الجر ح عدل وبطعطيج الدكتوره معقمات ورش اذا احتجتي . ولاتشلين شي ثجيل يعني اتحملي على عمرج وعن الكرشه تراها بتم فتره لان ماتقدرين اتسوين رياضه لين ماتكملين فتره وعني انا كملت اربع اشهور والكرشه مكانها

اول اسبوع هم كانوا ينظفون الجرح بس من ظهرت عطوني اسبرتو وبيتادين كل ماكنت اسبح انشف المكان واحط اسبرتوا وبعدين بيتادين وانشفه وما اشل شي ثجيل