تعتبر مرحلة تعليم الطفل استخدام حمام الكبار و الانتقال من مرحلة الحفاض الى مرحلة التحكم واستخدام القصرية للوصول الى استخدام الحمام كسائر الكبار من اصعب المراحل للام والطفل ..
ولتسهيل المهمة عليكم فقد جمعت اغلب المواضيع القديمة والحديثة في قسم تربية الابناء في منتدانا الغالي ليكون بين ايدي الامهات العزيزات كمرجع لكم في اي وقت …
ويعتبر ايضا تجمعا للامهات لتبادل الخبرات ^^
وهذي بعض المواضيع المفيدة للماميييييز ….
ولو كنت ناسية شي ياليت تذكروني ….
هكذا تتخلصين من حفاظ طفلك …
https://forum.uaewomen.net/showthread.php?t=778567
تبين تعلمين ولدج او بنتج تودر الحفاضة ؟؟؟ تعالي بعلمج طريقتي السهلة …
https://forum.uaewomen.net/showthread.php?t=609826
الف باء التدريب على الحمام ..
https://forum.uaewomen.net/showthread.php?t=828063
متى نعلم اطفالنا استخدام الحمام لقضاء الحاجة …
https://forum.uaewomen.net/showthread.php?t=806317
الحمام ..
https://forum.uaewomen.net/showthread.php?t=803043
تجمع الامهات اللي بيعلمن اولادهم على الحمام (( عزكم الله )) يالله نواسي بعض ..
https://forum.uaewomen.net/showthread.php?t=44384
ارجو للجميع الفائدة ومابي منكم غير دعوة حلوة ^^
انا اليوم بديت اول يوم بتعليم ولدي على استخدام الحمام
حاسة ان الموضوع صعب واااااااايد
شكله يبي وقت كتييييييييير
على كل .. اي ام حابة تبدأ معي ياليت تخبرني عشان نواسي بعض اهئ اهئ
من الصبح صار كمال مسويها على نفسه 5 مرات
حفظتهم من عدد الاندرويرز اللي غسلتهم ><
هو رقد حوالي ساعتين واول ما فتح عيونه ركيييييييييض على الحمام وهناك اول مرة سواها ^^
طبعا الاحتفالات عمت البيت ^^
والله يستر من اللي ياي …
هذا تقريري لفترة الصبح والظهر للعصر من اليوم الاول وانتظروني بالتقرير المسائي ^^
البارحة تم يسويها على نفسه الييييييين الليل
صارت الساعة 10 ونص كنت غاسلة 14 اندروير .. تصدقوووووون .!!!!!!!
وحسيته مو فهمااااان شي ولا عارف القصة شو ….
لبسته بالليل بامبرز كيلوت ورقدته …. وجي انتهى اول نهار مع 4 حبات بندوووووول .. عشان حسيت راسي ينفجر ><
اليوم الثااااااااني
اليوم صحى كمال الساعة 10 وركضت سيدااااااا على الحمام ويوم فتحت البامبرز لقيته نظيييييييييف طول الليل مب مبول ولااااااااا مرة ^^
يلسته على الكرسي وبعد تقريبا 3 دقائق انتظار .. سواها بكرسي الحمام .. والاحتفالات عمت البيت مرة ثانية ^^
بس من وقتها للحين صار مسويها على نفسه 6 مرات …
بس ترا عقب ما يسويها على نفسه يركض لعندي ويمسك ايدي وياخذني على الحمام اونه بسوي بي بي ><
الله يعييييييييييين
انتظروني بالتقرير المسائي لليوم الثاني ^^
مازالت الحوادث مستمرة .. بس صرت انتبه ان الولد عنده توقيت معين يعني كل ساعة تقريبا ووقتها يسير بزاوية معينة بالبيت ويسويها
صرت انتبه اكثر واخلي عيوني دااايما عليه والساعة 10 ونص نزل من حظني وركييييض على الزاوية .. وقتها فمت عليه وخذيته وسرت الحمام وسواها بالحمام …… فرحة رهييييييييييييبة
ماشاء الله عليه ..
المهم ماميز لازم تخلون انتباهكم مركز على الصغارية عشان تنتبهوا لأي حركة يسويها وقت يبا الحمام
ونهارنا جي يكون خلص بأنجاز عظيييييييم بالنسبة لي …
ولقائنا يتجدد باجر باليوم الثالث من تعليم ولدي كمال على الحمام
مازالت الحوادث مستمرة ><
وانا بس امسح هني وانظف هناك .. افففففففف تعببببببببببب ….
على كل حسيت انه بدا يفهم عليي .. يعني عقب ما يسويها يمسك ايدي ويقولي ماما بي بي … يعني يبا الحمام .. وهذي خطوة كبيرة تدل على ذكاء الطفل …
اليوم ولدي سواها 3 مرات بالحمام .. و المدة بين كل مرة ومرة صارت منتظمة مابين ساعة ونص وساعتين بس مب اقل من جي ..
وطبعا يحبس البول طول فترة الرقااااد بالليل او النهار وهذا الشي فرحني ^^
عدد الحوادث بدا يقل .. يعني صرت انتبه له ويوم احس انه يبي يسوي شي اخذه فوراااااا على الحمام .. مرات يسوويها ومرات لااااااا
الموضوع يباله طولة بااااال وصبر واااااااااااايد
الله يعييييييييين ….
على فكرة من اول يوم بديت معاه للحين وهو ما بال باللليل ولا مرة .. يعني البامبرز نفسه من اربع ايام
بس شكله اللاصق بدا ينتزع
ادعولي ماميز يتعلم بسرعة .. لاني صدج تعبببببببببت ><
الامور افضل بكثير … حاسيته بدا يفهم عليي .. مرات يقول ومرات لا .. بس افضل من قبل ..
اليوم قلت بجرب اطلع برا البيت من دون بامبرز .. بس طبعا مشوار قريب .. عشان من يوم بديت معاه ما طلعنا برا البيت ابداااااااا ….
المهم في حديقة صغيرة عدال بيتنا يعني مسافة 3 دقايق مشي …
قبل لا نطلع خذيته الحمام وعقب لبس ثيابه واخذته هو واخته وسرنا الحديقة …
تم يلعب تقريبا ساعة وعقب ردينا البيت .. والحمد لله الامور تمام التمام ….
احس نفسي مرتاحة واااااايد اكثر عن قبل …
ولازم الحين اجرب الطلعة مكان بعيد شوي .. ممكن المول او حديقة المطار او الخالدية …
وبخبركم بالتفاصيل ^^