كل الماكيرات الي تعاملتي وياهم..الزين والشين منهم لشعر صحي

السلام عليكم ورحمة الله وبركاته

والصلاه والسلام على رسول الله سيدنا محمد وعلى اله وصحبه عجمعين..

بنات ببتدي في نفسي..

الماكيرا الي جربتهم…

(اسم الماكيره) (تعليقج عن شغلها) (سعرها)

جرب جاكلين الي في صالون الاصابع السحره…..رووعه ووايد عيبني…شغلها حلو ونظيف.. والمكياج مان 350 للاسبشل

جرب خوله الشحي…….طلعتني وااايد حلوه انا وخواتي، واساسها حلو، بس يمكن لاني سمره مب وايد ناسبني…. بس رسمها رووووعه… وسعرها كان 550 تسريحه ومكياج,,,هذا من سنه ما ادري الحين كم صار…

جرب لبنى….اعتقد سوريه تسوي المكياج وتيي لين البيت، روووووعه رسم العيووون …بس الاساس ما نسبني وماعيبني…
بس رسم العين رووووعه…وسعر مكياج بس 450

التساريح ماري…..خبال خبال خبال، وااايد عيبني شغلها، وااايد فنانه، سوتلي التسريحه على 300

خواتي مجربين عايشه البحرينيه،،،، جدا عادي ما عجبني، وتاخذ 400 على المكياج…

وبس

يلا خبروني منو جربتوا

عايشة تاخذ 400 عالمكياج !!!!!! مستحيل
أنا متمكيجة عندها قبل و صراحة مكياجها روووعه ( هذا بالنسبة لي .. وكلن و ذوقة ) و خذت 800 بدون التسريحة
و الحين حاجزينها عندنا عرس أخر 7 .. و سعر المكياج بدون تسريحة 1000 درهم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

جربت صالون امواج الشعر ..مدام ريتا اساسها حلوو وتسوي وايد ستايلاات وسعرها فالصالون 650 ميك اب
وتيج الفندق 1500 ميك اب بس..

صالون بيوتي بالااس جهينه حلوه ميك اب وتسوي اللي تبينه يعني مستعده تغيرلج لو تبين..سعرها العادي 350 والسبشل اعتقد 500

صالون اللبناني ..ابصرااحه كاااااااااارثه في عالم المكياج لا اساس مرتب ولا رسم عين..>>راي الشخصي..مباالغ في الميك اب ابصراحه احس ميك اب يناسب رقاصه وله ممثله فنتازيه فالمسرح..مايناسب الاعراس ..

صالون صوفيا بيوتي ممممممممم مايعيبني البيسك مالها اي كلااام ويزيت الويه..وصفيه مب ع كل ويه تعرف تحط ميك اب..

هذا اللي اذكره الحين ..^.*…

uuuup uuup

اختي بما انج جربتي بيوتي بالاس حبيت استفسر شو رايج بميك اب خلود وسهير؟
ياريت بعد الاخوات اللي يعرفون لايبخلون لاني حجزت عند خلود بليزززززز ابا اعرف ضروري