اشحالكم عساكم بخير
امممم انا متزوجه من 6 سنوات وعندي ولد وبنت وقاعده في غرفة
في بيت أهل ريلي ونحن مقدمين على زايد للاسكان من 6 سنين
بس طلع لنا قبل 6 شهور بيت شعبي من الشيخ محمد بن زايد واللحين
سؤالي 1 / للي يطلع له بيت شعبي من الحكومة شو يصير حق اسكان زايد
ولا كله نفس الشي ولا خلاص ننسى زايد للاسكان .
سؤالي 2 / تقريبا جم سنة يباله البيت الشعبي لينما يخلص تقريبا
واذا وايد بصراحة نحن نفكر ان ننتقل لشقة او بيت للايجار لأن خلاص
ملينا ونحن نتريا ونبا ناخذ راحتنا في حياتنا ومب مرتاحين
سؤالي 3/ شو تنصحونا نسوي بصراحه ماقدر اتريا البيت الشعبي
وايد انتظرنا 6 سنين ونحن نتريا وبعدين غرفتي خلاص كرهتها
اممم ورق الجدران كله مشطور والزل كله وسخ وبقع ومابا اغير
ابا اطلع ابا حياة جديدة لو تفهموني بس والله تعبت خاطري يكون
لي بيت بروحي حياة لي ولعايلتي .
السؤال 4 / هل بيت الشعبي مضمون وهو بيت العمر لبقية حياتكم ولا ؟؟
والله يخليكم ردوا علي
هو يطلع لج بيت واحد لا غير من اي جهة من زايد للإسكان او من صوب بو سلطان او بو خالد و كلهم ترى
واحد ،،،البيت الشعبي ان شاء الله تتواصلين مع الجهة المعنيه عسب تعرفين متى استلام مفاتيح البيت
سؤالي 2 / تقريبا جم سنة يباله البيت الشعبي لينما يخلص تقريبا
على حسب المشروع لان أكثرية البيوت الشعبية تكون مخلصة و جاهزة شرات مثلا الفلاح و ياس في بوظبي
سؤالي 3/ شو تنصحونا نسوي بصراحه ماقدر اتريا البيت الشعبي
لا تستعجلين ،،انا صار لي اتريا عشر سنوات يالغلا ،،،عطونا ارض وما فيها خدمات و ساكنة في بيت أهل ريلي ،،الفلوس الي بتضييعونها على الإيجار وفروه حق البيت اليديد بأذن الله لان اكيد راح تحتاجين مبالغ للتعديل و الفرش و غيره
وايد انتظرنا 6 سنين ونحن نتريا وبعدين غرفتي خلاص كرهتها
اممم ورق الجدران كله مشطور والزل كله وسخ وبقع ومابا اغير
ابا اطلع ابا حياة جديدة لو تفهموني بس والله تعبت خاطري يكون
لي بيت بروحي حياة لي ولعايلتي
حبوبة ترى غيرنا يالس يتريا من 16سنة مو بس ست سنوات ،،،،اختي بالنسبة الفرش عادي غيريه ما راح تخسرين شى و ورق الجدران اجلعيه و اصبغي عادي
الزل يتغير و الجدران وورق الجدران هم يتغير معقولة من ست سنوات ما غيرتي أثاث و لا صبغ و لا زل !؟!؟ اختي ترى الزل بروحه اييب الربو و المرض فلازم تغيرينه عل الأقل كل سنة او سنتين
السؤال 4 / هل بيت الشعبي مضمون وهو بيت العمر لبقية حياتكم ولا ؟؟
اكيد مضمون بس لازم و على طول كل سنة تصليحات و تعديلات أهلي عايشين من ثلاثين سنة في البيت و الحمد لله بس زدنا عليه بنا و سوينا فلقتين وحدة حق امي و ابوي الله يرحمه و وحدة حق اخوي و حرمته
بخصوص المسكن الشعبي المواطن يحصل مساعدة من جهة وحدة ‘ ما يصير يستفيد أكثر من جهة إلا بعد مرور 15 سنة من المساعدة
وبخصوص الغرفة مثل ما قالت الاخت الي فوق مدام طلع اسمكم ان شاء الله خير ، والفلوس مال الاجار وفريها للاثاث والغرفة الحالية سوي فيها تغيير ما يكلف مثل ما قالت الاخت الي فوق تغيير الورق بالصبغ وحطي فرش النوع الرخيص ومشي الحال لحد ما تستلمون النفاتيح والله ايسر امورج
احنا طلعنا ايجار لان موضوع ارضنا مطوول
وزوجى مو راضى يبدلهاا ببيت
الله المستعان