شهر 6 دخل عمري 20 سنه
وصديقاتي الي بعمري كلهن تزوجن ,, وحتى خالتي وبنت عمتي الي بعمري تزوجن
وكل الي يشوفني يعطيني نظرة الشفقه على اني مب متزوجه
حتى امي حزينه عليي ,, مع ان عمري صغير لكن يحسسوني اني كبيره مره !
انا تقدم لي ولد خالتي وكان كامل المواصفات لكني رفضته لاني ارفض وبشدة زواج الاقارب
لايمكن اتزوج احد من اهلي لو عنست
المشكله انا ما ادرس ولا ودي ادرس , ومافي وظايف توظف شهايد الثانوية
وماغير اني ما اطلع برع البيت , ف محد يعرفني
عشان جيه فرص خطبتي قليلة جدا
وهذا احد اسباب ان الناس يكلموني على اساس اني عانس
+ الناس يمدحوني باخلاقي وجمالي ,, لكن المشكله ان محد يعرفني واني ما ادرس !
واختي اصغر مني بسنتين تقريبا ومتحمسه للزواج وتبي تتزوج وهي تدرس الحين
وفرصها اكثر مني ,, بالنسبه لي مستحيل اكرهها لو صار نصيبها قبلي ,, لكن لازم يحز بخاطري ولو شوي
ومادري لكن يوم اشوفها متحمسه يصيبني احباط واحس اني مابتزوج او يمكن اتزوج بعدها
ما اعرف شو اسوي بالضبط عشان اتجاهل الناس واعيش حياتي وانتظر نصيبي
اذا عندكم نصايح لي اكون شاكره لكن .
شو بتقولين عن الي تعدت 30 وشايله هم كلام الناس عنها وانها نعست ؟؟
لا حبيبتي لا توافقين على اي حد خوفا من كلام الناس واذا على ان فرص الزواج برجع اقولج بعدج مادخلتي ال 20 والفرص بتيج
والنصيب ايبج حتى ولو ماتطلعين من البيت ومايخص الجمال بالزواج حبيبتي لانه نصيب ورزقج مكتوب ..
وانصحج انج تكملين دراستج وفكري بمستقبلج مافي شي بينفعج غير شهادتج لان بهالعمر كنا كل همنا دراسه وبسس
والله يوفقج ..
بنت بعمرك تحكي هالكلام
خلي عندك ثقه بنفسك وشوفي نفسك صغيره وحلوه كل الناس هتشوفك بنظرتك
وما خصه انك ما تطلعين من البيت , النصيب يجيك يجيك لو الله كاتبه لك
والي الناس ما تعرفه رب الناس يعرفه , خلي ثقتك بالله أعلى من أي شي , ( أنا عند حسن ظن عبدي في فليظن عبدي في ما يشاء)
ومن بعدها خذي بالأسباب
اشتركي بصالة رياضية , سيري صالون , زوري الناس مع أمك او اهلك , روحي عرس الخ
وليش ما تكملين دراستك!!! مش شرط يا اختي تدرسين شي صعب , ممكن تدرسين شي تحبينه مثل الرياضه او الفنون الجميله او سياحة وفنادق الخ
يا اختي على الأقل ادخلي دورات تجميل او خياطة الخ
الزواج مش كل شي بالحياة!
صلي استخاره يمكن يكون القريب احسن الف مره من الغريب
والله يختار لج الخير
العنوسه هاجس للكل صارت بسبب كلام الناس الزايد عن حده ,, انتي عمرك صغير فدييتك واذا ربك كاتبلك نصييب بتاخذيينه حتى لو ما ظهرتي مكان ,, ولا تهتمي لكلام الناس طووول لانه م بيخلص ابد ,, خلي ثقتك بنفسك عاليه ,, ومن كلامك يبين انك ذوووق ماشاء الله عليك
يا حظ منهو تكوني من نصيييبه ^_^
بيكووون اسعد النااااس