كـــرات المـــارس ،، يتكون من 3 مكونات فقط .. (بالخطوات المصورة )

صدقوني كل ما سويتها كل وحدة تاخذ مقاديرها بالضبط عشان تباه يطلع نفس الشي ،، ومعروف عن هالحلى أن الأولاد والشباب يحبونه وااايد

وهو حلى يصلح للأعياد لانه يتم عندج كم يوم وما يتأثر طعمه

طبعا شي وايدات يعرفون يسوونها لأنه حلى معروف بعض الشيء

كـــرات المــارس

المقادير:
مثل ما قلتلكم يتكون من 3 مكونات فقط ..

6 حبات كاكاو مارس الحجم الكبير طبعا ..

1 كوب ونص كورن فلكس الأرز بالشوكولاتة ..

لا تقولون قاطعي لورباك لانه دنماركي ،، هاي الفتوى
https://www.alshohooh.ws/vb/showthread.php?t=530

وهذا الكورن فلكس من قريب للي ما تعرفه

بالأضافة إلى فستق مطحون للتغطية ( وممكن استبداله بالنارجيل أو أي شي تحبونه ،، بس الفستق غييييير ^^ )

الطريقة :
نضع قدر صغير في حمام مائي ونسيح فيه الزبدة .. ( ضرووووري الحمام المائي والا شغلج كله بيخترب )

عقب نضيف المارس ..

ونقلبهم ..

ونستمر بالتقليب ..

حتى يذوب المارس تماما ..

ويستوي جي ..

ونرفعه من على النار ..

ونقلبهم .. وعقب نخليه يبرد شوي ..

نكور الخلطة باليد بهالحجم .. (أنا الصراحة ما اصبر ،، وانا قاعدة اكوره كل شوي اكل منه )

ونقلبه في الفستق المطحون ..

ونحطه في الأكواب الورقية الصغيرة .. وهذا شكله ..

وهذا عقب ما حطيته في صحن التقديم .. ( يفضل تقدمينه عقب نص ساعة اقل شي عشان المكونات تتخمر مع بعض عدل )