كرهت غرفتي واريد مساعدتكن وافكاركن المميزة لا تبخلن عليه

السلام عليكم ورحمة الله
يا ناس كرهت غرفتي واريد اضيف عليها بعض الاضافات واريد مساعدتكن وافكاركن المميزة اول شئ ببدى في وصف الغرفة ولو اني ما اعرف اوصف بس بحاول
مساحتها 5*5 تقريبا لونها 3 جدران بيج وفيه مربعات صغيرة ذهبي والجدار اللي فيه الستارة لونه عالبني الفاتح
من فوق مربعات من الجبس شئ نازل وشئ لا ما اعرف اوصفه والمربعات المنزلة لونها بيج والمربعات الثابته لونها ابيض
وبعد فيها فتحة في نفس الجدار اللي فيه الستارة (الستارة لونها بني مع بيج وفيها كريستال) وعالفتحة اطار مربعات من الجبس نفس التنزيل من فوق بس الفتحة والاطار كله لونه بني
وفي الجداراللي مقابل لجدار الستارة الكبت بس الكبت في الجدار وكله مرايا
ومش موجود في الغرفة غير السرير والتسريحة ومكتبة التلفزيون ياليت قدرت اوصل لكم تصور لو بسيط عن الغرفة انا كنت بغيرها كاملة بس استخسرت ما صارلها فترة طويلة حتى اغيرها اريد اضافات وافكار جديدة

سمحلي فديتكن طولت عليكن

دخلي عليها لون مثلا الستارة حطي لها لون قوي احمر او بنفسجي يبرزها عشان تكسرين اللون

فكرة حلوة وان شاء الله بدخل اللون الاحمر او العنابي
تسلمين الغالية يزاج الله خير

شو رايج في الرفوف اللي تكون على اليدار ؟؟ احسها فكرة حلوة و تزينينها بمزهرية او تحفة او اي شي حلوو بشرط انج تختارين الوان حلوه تفتح نفسج يوم تتطالعينها …
و زيني حجرتج بالمناظر الطبيعية ترا و الله ما في احلى من المناظر الطبيعية … خاصتا يوم يكون المكان مناسب لها ..
غيري فراش شبريتج كمن مرة عشان ما تملين منه ..
و غيري في اماكن التسريحة و الكبت و الشبرية …

بس لو تحطين صورة حجرتج يكون افضل عشان اعرف و اقولج شو يبالها و شو ما يبالها

و الله يوفقج

فكرة حلوة الغاليةبس شو رايج احط رفوف في الفتحة لأن ما عندي مكان لا تنسين الستارة
واليدار اللي مقابل هاليدار كبت وكله مناظر عشان يعطي وسع للغرفة

يزاج الله خير رملة زاخر

اوه نسيت بحاول احط صورة مع اني ما اعرف كيف بس يله نحاول ليش لا

يكون احسن لو تحطين صور …واذا تبين البنات اللي في المنتدى بيساعدنج في طريقة تحميل الصور