هو يبا يخطب ورمس امه فالموضوع
وقال انه يبا ياخذ فلانه بنت فلان
المهم امه سارت تتعرف اكثر عن البنت
وتتأكد اذا انخطبت او مخطوبه يعني بس جي
المهم اليوم خالي كان يرمس ولد اخوه… ولد اخوه على ويه زواج
وقال والله يا خال ابا اخطب وجي
وابا اخطب فلانه بنت فلان هي نفس هالبنت
يعني هو يبا يخطب البنت الي خالي يباها
خالي سكت وماعرف شو يرد عليه وقاله نأجل الموضوع
الحين هو متلوم شو يسوي يخلي امه تأخذ خطوه وتسير تخطب البنت ولا يخلي ولد اخوه يسير يخطبها
هو متضايج وقالي اياها هذا ولد اخوي لو ريال من برع العائله يولي بس ولد اخويه شوبسوي كيف بتصرف وياها
وفالاخير قال خلاص انا ماابيها بخلي ولد اخويه ياخذها
وحليله كسر خاطري يقول كل ماابا وحده تروح مني
الحين اباكن تساعديني لاني ضايعه والله
انا نافشت الموضوع ويا بنات البرزه بس بعد ابا رأيكن
نصيحتي كل واحد منهم يشوفله بنية ثانية غير هاي البنية .. و ربي يوفجها و تحصل ولد الحلال
لكن انه واحد منهم ياخذ نفس البنت صدقيني ما بيتوفج لانه في واحد ثاني كان حاطط عينه عليها و من العايلة نفسها
وبعدين هم مب متاكدين اذا البنت بتوافق على حد منهم ولا لا يمكن ماتكون نصيب حد منهم وهالشي بيكون احسن للاثنين
ربي ايسرله اموره ويرزقه ببنت الحلال اللي تسعده ياارب
الافضل في هالحالة إنهم يشوفون لهم وحدة ثانية لآن مش حلوة هم أهل وخاطرهم في نفس البنية…
صعبة واااايد صعبة
گلن بیآخذ نصیبہ
فمادري لو البنت رفضت ولد اخوه يصير هو يتقدم ويخطبها ولا يسير يدور على غيرها
گلن بآخذ نصبہ