حبيت اكتب مشكلتي وأبي رأيكم
صار لي سنتين متزوجة والحمد الله
المهم تكرار إجهاض عندي يتكرر ماني قادره اعرف السبب
سويت كل فحوصات بس الحمدالله ماطلع عندي أي عوائق للحمل
كل الشي عندي أوك حتئ مبايض
وكل مره احسب يوم تبويض
جسمي تعب من إجهاض دائماً أراجع عيادات أقول لهم شو السبب إجهاض يقولون لي مانعرف مأشي السبب
وأنا ف داخلي اتحطم بس أقول الحمدالله هذا نصيبي والله أراد هالشي
معني أخذ كل ادويه بانتظام حتئ جربت إبر تثبيت الحمل بعد نفس حاله
اجهض
بس أنا لما أجهض ماينزل عندي الدم لا ……
يوقف نبض جنين من دون السبب ودايمااا في أسبوع السابع سبحان الله
والحين ثالث حمل لي والإجهاض يتكرر عندي
بس ف اول ماسويت تنظيف نزل بروحه
بس في ثاني سويت تنظيف لانه مانزل ف سويت تنظيف وتعبت وايييد
والحين ف ثالث بعد أجهضت وللحين مانزل عندي عندي موعد لين تاريخ 20/3 عسب يسوون لي تنظيف
الصراحة أبيه ينزل بروحه بليز بنات عطوني وصفه عسب ينزل بروحه
جربت ماي الحار ماشي فايده وشرب قرفه بعد ماشي فايده
بس من امس ينزل عندي دم اشوي وللحين مب راقده من عوار
سرت طوارئ وقالوو لي لازم اتريا موعدي
ماعرف شو أسوي ؟
شربي حريروه … وخذي كسرة خيله وراح ينزل ان شاءالله من غير تعب
فحصتي عن تجلط الدم ؟ تأكدي اذا مافحصتي فحصي عنه …هذا يسبب توقف النبض من غير اي شي …لان الدم يتجلط ولا يوصل الياهل فيتوقف النمو عنده
المشاركة الأصلية كتبت بواسطة فطامه 
شربي حريروه … وخذي كسرة خيله وراح ينزل ان شاءالله من غير تعب
فحصتي عن تجلط الدم ؟ تأكدي اذا مافحصتي فحصي عنه …هذا يسبب توقف النبض من غير اي شي …لان الدم يتجلط ولا يوصل الياهل فيتوقف النمو عنده
صراحه ماذكر إذا سويتها ولا بس دكتوره خبرتني انه كل الشي اوك حتى الدم
بس هالمره أكيد رح أسوي فحص تجلط الدم
مشكوره فديتج
المشاركة الأصلية كتبت بواسطة عالية المستوى أن شاءالله بجربها
مشكوره
الله يعوضج خير آختي ، آفحصي بعد عن اﻻجسآم المضآده
يمكن تكون آلسبب ،
فحص الاجسام المضادة
فحص الغدة الدرقية و هرمون الحليب
فحص تخثر الدم
فحص الهرمونات اللي تتسوى وقت الدورة
الفحص الكروموسومي و هذا يسوونه في مراكز معينه مب كل مكان ( الكورنيش ، الوصل ، هيلث بلاس، … )
و الاهم من هذا كله هو فحص الرحم بالمنظاار يمكن يكون عندج حاجز رحمي ما يبين الا بالمنظار مثل حالتي
الله يشافيج و يعافيج حبيبتي و يعوضج و يعوضني بالذرية الصالحة