حبيت اخبركم عن تجربتي مع الجفاف الي كانت ولا تزال كابوس بالنسبه لي اخاف اقوم الصبح واخاف اكل شي عسب بس ما يعورني بطني او يردلي الجفاف واترقد فلمستشفى للمره 3 بس سواء كلت ولا ما كلت بسبت الترجيع ايي الجفاف
كله اتم منسدحه اخاف اتحرك ولا اتلفت ارجع .. اغصب عمريه عل الاكل والماي وكل يوم اصيح صياح بسبت هالالام
كانوا يقولون حقي عادي ها كلنا مرينا عادي الحمل جيه يسوي عادي وعادي وعادي وعادي حتى الدكتوره تقول عادي الحمل جيه وها اكبر غلط يوم نسمع كلامهم انه عادي وعادي وانا تعبت من كثر ما يقولولي عادي الحمل جيه .. عيل ليش كلما اروح المستشفى يرقدوني بسبت الجفاف اذا كان عادي .. معقوله بعد عادي.. طبعن الجواب لا عسب جيه اي حامل وتتوحم وتحس في شي مب طبيعي سواء من القيء ولا الام البطن او غيره لازم تدخل طبي يعني تروحين دايركت الطوارئ ..الجفاف تراه ابدن مب شي سهل وانا لين هالدقيقه واانا احس بالام فظيعه بس تعبت من الترقيد فلمستشفيات لكن غصبن عني لازم لمغذيات فهالحاله .. ترا مب كل وحام عادي وهين
انا الحين فالشهر 3 ادعولي الله يسهل علي ويختفي ها كله من ادخل الرابع وربي يحفظلي جنيني
اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين
اللهم عاملنا برحمتك
وبشر الصابريييين
اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.
ربي لا تذرني فردا وأنت خير الوارثييييييين
انا بأول شهور دووم طايحه ومدوخه لان الضغط كله نازل عندي
وجربت ارقد في المستشفى قعدت عندهم ساعة بس وما تحملت وطلعت على طوول
وتميت على حالي لين ما دخلت الرابع وتحسنت صحتي ولله الحمد
وبشهوري الاخيره بديت اتعب بس يلا هانت ما باقي شيء
الحمال الغالية تعب ورب العالمين يقول (ووصينا الإنسان بوالديه إحسانا حملته أمه كرها ووضعته كرها وحمله وفصاله ثلاثون شهرا)..
ما فيه شيء اييج بالساهل حبوبه حاولي تصبرين عمرج
وربي يسهل عليج ويمر عليج الحمال بسرعه وما تحسين فيه ان شاء الله,,