يعني الوحده قبل لاتربي اتزهب فستان النفاس …<<< فستان على شكل جلابيه من الدانتيل
واتزهب كوشتها اللي هي شبريتها ماتخلي كرستال ماتخلي دانتيل وستين الف كوشن (مخاد صغار )
يعني شي مبالغ فيه من الدرجه الاولى
واندور البيبي فديته نبى انشوفه ضايع في بحر الدانتيلاااااات سرير مباهى فيه من الدرجه الاولى
حرام البيبي شو ذنبه مخلينه قطعه تكمل الديكور واكسسواراتكم
والعود والعطور وغيره مافكرتي بالياهل تظربه حساسية الصدر لهاي الدرجه مظاهرج اهم من اللي
تعصرتي عليه وزاحرتي وشفتي الموت واخر شي خليتيه قطعة تكمل ديكور غرفتج
https://[url=https://www.0zz0.com]
[/url]
انزين سويتي هاكله تضمنين نفسج في الولاده تقومين بالسلامه ولا لااااء
ولا ان البيبي فديته بيكون بخير ….انتي قومي بالسلامه وخلصي الاربعين وبعدين سوي اللي تبينه
الناس ماتقول خير جنج عروس ولاجنج مربي وقايمه من زحار وعصار
شوفايدة الدموع يوم الناس بتعطيج بعين ولا البيبي شي ياه شو فايدة دموعج
يعني اونكم في العصر الفكتوري الانجليزي القديم …. تجلبون الغرفه فوق تحت اوكي حلو الترتيب لكن سوري يعني شي مبالغ ومو على ذوق
ترااه على فكره الشيخات اللي هن الشيخات مايبالغن لهاي الدرجه ماعليه حلو الترتيب برايج سوي لكن مو بطريقة وحده مفجوعه … سوري يعني
والسموحه خواتي بس حبيت انبه على شغل المعاريس اللي صاير في غرف مابعد الولاده
يعني الوحده بدال وقت الزحار ماتقول يالله اتقول طرشو الدريول اييب باقي الاغراض
ولا تهاوش ليش ماحصلو غرفه في vip …<<< انتي قومي بالسلامه قبل …
والله يقوم كل حامل بالسلامه ويرزق كل اخت ذريه صالحه يارب
مرة سمعت عن وحدة عقب ماربت وفي غرفة المريضة يالسة تقول لخواتها هاتو المشط والميكب ..
وأول ما دشو عليها الحريم كانت لابسة تنورة وقميص وحاطة ميكب و الشعر …تسريحة أعراس صراحه
>>لو أنا والله ما بفتكر غير بولدي و العوار وبقول يالله سترك ورحمتك يا رب
ذبحونا… اوك خل تربي و عقب .. تبدأ تخلص هالامور ..
عن نفسي بحاتي الولاده و العوار .. و بحاتي كل شي و لا بتي هالسوالف ف راسي
امممممم حلو الوحده ترتب بس مثل ماقلتي لازم مايكون مبالغ فيه لهالدرجه احس مالها داعي حركه الشبريه والبخور والعطور وسرير البيبي …
نحن مانسوي جي .. من ربت الحرمه وقامت بالسلامة اترد بيته اهلها في اي غرفة ودلة الحلبة مجابلتنها هههههههه
تسلمين ع الطررررح الرائع