قوانين مستشفى الكورنيش بوظبي لصحة الجسم

السلام عليكم بنات

حابه اعرف شوالقوانين الي طلعت في مستشفى الكورنيش بخصوص العلاج في ال vip

لاني اخر مره كنت حامل فيها كان فيه الخاص لكن قالولي بعدها صار العلاج للمواطنات برع مش في الخاص حالهم حال البقيه العامه .. ليش انزين ؟ وليش البهدله ؟ ما يبون الشعب الاماراتي يتهنا ويزيد ولا يبونه يتبهدل وينذل حتى وهو في بلاده ؟!!

انتظر الخبر منكم لاني قريب ان شاءالله بفتح ملف

مرحبا ختيه
صراحه انا مستحيل اروح الكورنيش واربي عندهم لو شو ما يصير انا ما ادريبج كيف بتربين هناك وعن قوانينهم والله ما ادري ..
انشاالله الخوات يفيدونج

مشكوره الشيخه حمده بس شو نسوي هو المستشفى الحكومي الوحيد الي يقولون انه عنده خبره اكثر عن غيره .. وانا سبق وربيت فيه قبل والحمدلله ..

انزين شو نسوي وين نروح ؟

للرفع

عندج الرحبة والنور والمفرق
واااااااايد ارحم عن الكورنيش
والله يسهل عليج

والله انا عن نفسي لو شو يعطوني ما اروح اربي عندهم علي سوه فيني
بس الفي اي بي ما سكروه بس هايج الفتره كانن الدكتورات مسافرات يعني فترة اجازه ويوم ايردون بيردون المرضى لاني رحت سألتهم وجي قالولي الله يسهل عليج ان شالله