أكيد كلكم تعرفون قوالب التمر او التمر Pie وكل حد له طريقته الخاصة فحبيت أحط لكم طريقتي في قوالب التمر وان شاء الله تجربونها وتعتمدونها مثل ما أنا اعتمدت هالطريقه بعد ما جربت عدة طرق 
والحمدلله كل مره تضبط وكل من جربها تضبط عنده وتكون القوالب هشششششششششه 
والطريقه سهله وماتاخذ وقت …
أولا المقادير: (تكفي لصناعة 50 حبه من القوالب الصغيره)
1 كوب طحين رقم 1 (انا استخدم هذا الكوب اللي هو المعياري ويكون متروس)
3 حبات جبن كيري
1 اصبع زبده 13.5 جرام (تطلعينه برا الثلاجه علشان يكون لين ونقدر نعجنه)
نعجن المقادير اللي فوق (ملاحظه الزبده حطيها شوي شوي يعني كل مره خذي شوي واعجني لحد ما تخلص)
وتصبح العجينه بهذا الشكل (ولما تضغطين عليها تحسينها لييينه وناااعمه)
الحين نحضر صينية القوالب ونصنع القوالب (خذي كوره من العجينه وافرديها في الصينيه وخليها رقيقه يعني ما تكون سميكه وايد حتى تلاحظون في الصوره ان لون الصينية الاسود شوي باين من تحت العجينه)
شكل العجينه واحنا ناخذ منها الكور
الحين نحضر معجون التمر ونكوره كور صغيره وقبل ما نحطه في القوالب نضغط على الكوره شوي بحيث تصير بيضاوية وبعدين نحطها ولاحظوا في الصورة ان كورة التمر تكون صغيره
بيضه واحده
2 ملعقة أكل متروسه (مليانه) سكر بني ناعم(ينباع جاهز)
1 ملعقة أكل مليانه قرفة (دارسين) ناعم
رشة فانيلا (بودرة او سائل)
نخلطهم وتصير بهذا الشكل
الحين نسكب مقدار ملعقة صغيره من الخلطه فوق كل قالب (لاحظوا كمية الخلطه تكوت قليييله فوق التمر لانها في الفرن بتكبر شوي )
وآخر خطوه نحط اللوز ناعم او اللوز الشرائح فوق القالب
نحطها في الفرن من (((تحت فقط))) انا فرني مافيه درجات لانه صغير بس اظن يكون 160 او 180 وخليها تقريبا 10 دقايق او لحد ما تشوفين الحدود للقوالب ذهبية اللون مثل هذي
الشكل النهائي انا عادة احطه في اوراق الزينه الخاصة بالقوالب بس ماكان عندي
يعطيج العافية حبيبتي واشكر لج مجهودج الطيب …
مشكووووورة
أم أسما العفوووووووو حياج الله
يسلموووووو