قلم الحواجب … لشعر صحي

عشان تاخذين قلم حواجب لازم تحطين في بالج كذا نقطه مثل:

1) اولا اذا لون شعرج غامج خذي درجتين افتح عنه. و اذا فاتح او اشقر خذي درجتين اغمج عنه
2) يوم تشترين القلم دايما جربيه على ايدج و امسحيه بصبعج شوي، اذا ساح بسرعه و كان كريمي فما ينفع. لازم يكون ثقيل شوي.
3) اذا مسحتيه و شفتي لونه مايل عالأحمر او البنفسجي او الأخضر فما ينفع لأنج يوم تحطينه و تخفينه او ترتبينه بالفرشاه بيعطيج لوك مب طبيعي.
4) دايما ارسمي خطوط خفيفه بالقلم و رتبيه بالفرشاه و لا تغمجينه وايد لأنه بيبرز حواجبج واايد و يغطي عالعين.

في النهايه انتي تبين حواجبج طبيعيه و اذا شعر حواجبج يسوي مصايب و كل شعره صوب نفسي فانصحج تستخدمين جل يثبت الحواجب.

بالنسبه للماركه انا استخدم ماك بس ممكن تستخدمين اللي يناسبج و يناسب ميزانيتج بس اتبعي التعليمات و ان شاء الله اكون فدتج بمعلوماتي..