اليوم حبيت اخبركم بقصتي مع الوزن الثقيل…
وزني ماشاء الله……؟؟؟؟ ما بخبركم
المهم حبيت اخفف وكل مره اجرب ريجيم
وطبعا تخف العزيمه واودر..
في يوم من الايام دخل علي ريلي وقالي تعالي معاي المستشفى براويج شي يديد في عالم تخفيف الوزن.. وشي سهل وحلو وما بتتعبين..
طبعا استانست وايد ورحت وياه ثاني يوم…
قالي شوفي هناك ..ولا شفت دكتور ضعيف واقف يكلم مريض…قلت له وانزين قالي ها الشي اليديد في عالم تخفيف الوزن…
قلت له كيف؟؟ ما فهمت؟؟؟ قالي لي هالدكتور كان وزنه فوق 130 ونزل وصار تقريبا 60 كيلو… انصدمت قلت له معقوله شو سوى؟؟؟وشو استخدم عشان اسوي مثله…؟؟ قالي ولا شي…قلت له تقص علي…قال لي سألته قالي كنت امشي اكثر من 10 كيلو في اليوم…لان الجسم بعد 2 كيلو يبدا يذوب الدهون بسرعه…وخلال شهر نزل حوالي 20 كيلو لغاية ما وصل للوزن الطبيعي وعلى فكره كان اكله طبيعي…
استغربت قلت معقوله…قال لي بنجرب مع بعض…
وفعلا حبيباتي بدينا نمشي على الكورنيش عشره كيلو يوميا… صج في البداية تعب بس عقب تعودنا…
الجسم صار رشيق جدا..وغير نضارة البشره وغير وغير..
جربوا وادعوا لي
والسموحه على الاطاله
وعشره كيلو حوالي ساعه واذا تمشين بسرعه اقل
وربي يوفقج اختي
عقبالي
صدقج والله يختي ماشي احسن عن المشي
بس نحن المشكله هنيه ماعندنا كورنيش فنمشي فالبيت بس مانحسب كم كيلوو ولا شي اللا جييه انتم نلف نلف يالين نتعب
وان شاء الله انا ناااويه بعد استمر على المشي حتى لو فالبيت وشجعتيني انتي الصراااحه
تسلمييين الغاليه على المشاااركه الحلووه
الله يحفظج..
تشجعت بسير حديقة الحزام بمشي فيها سااعه