قصة ولادتي السهلة والحمدلله للصحة

وعقب يتني وحطت لي التخطيط وسارت وبعد ربع ساعة يت وشافت ان مافيني طلق ولادة ابد وقالت بجيك من تحت ويوم جيكت قالت لي الرحم عندج مسكر … جان ابق عيوني قلت لها كيف وانا ييتكم الاسبوع اللي طاف وقلتولي مفتوح 2 سانتي قالت لي لا هبيبي رخم كلوز ما في ولادة وطلعت وكان شفتها مخلص ….
ويلست وفيني ضيقة الدنيا ويلست امايه تهون علي فديتها …..وبعد نص ساعه تنقيع وانا اقول حق اختي قولي لهم يشلون عني التخطيط خلاص بروح بعد ليش ميلسيني…… وشوي دخلت سستر ثانيه وقلت لي بجيك قلت لها جيكي بس اربي واخلص ويوم جيكت قالت لي مفتوح ثلاثه سانتي وعنق الرحم طويل وسميك بس شكله عندج امساك بعطيج حقنه قلت لها اوكي كل ها عسب يقولون لي خلاص ولادة وعطتني الحقنه والله وكيلكم رقدت في الحمام وعلى الساعة 7 المغرب يت جيكت وقالت لي عنق الرحم قصر وشكلج بتربين باجر الصبح وبتمين عندنا تحت الملاحظة طبعا وافقت على طول وقلت خلاص شكلي صدق بربي
نقلوني على غرفة برا قسم الولادة وحطولي سستر كل ربع ساعة اشيك علي طبعا من بعد الساعة 8 حسيت بألم مثل طلق الولادة بس ما كان منتظم وقعدت اماية تحسب لي كل كم ييني الويع وعلى الساعة 12 زاد الالم وشلوني لغرفة الولادة ويوم شيكت قالت 4 او 5 سانتي وعلى الساعة 1 قالت لي 6 سانتي وعقبها عطتني ابرة طلق صناعي وزاد الويع وقعدت اذكر الله واستغفر وعلى الساعة 2 جيكت قالت لي 8 سانتي والساعة 2 ونص قالت 10 خلاص ولادة طبعا كان عندي نزيف من الساعة 11 من كثر ما لعوزوني بالتشييك وقعدت ازفر واستغفر وعلى الساعة 3 ضبط ربيت ويبت احلى ميود فديته مع اني ما كنت مصدقة ان ولادتي بتكون بها السهوله
هاي بالنسبة لي كانت اسهل ولادة ماخذت الا 3 ساعات الحمدلله عكس ولادتي في بنوتي اللي كانت جدا متعسرة طبع ربيت يوم الاحد 26/7/2017