اشحالكم
ممم خطرت لي فكرة
كل وحده عرست في قاعة من القاعات او في فندق تقول وين، وشو مميزاتها، وشو عيوبها ،وشو هي الخدمات، وتقريبا بكم التكفة لان اكيد تكلفة كل عرس بتختلف عن غيره
اتمنى تفاعلكم
كان ودي افيدج بس للأسف انا بعد ودي اعرف اسعار القاعات في العين بالذات ..
الف شكر لج
فندق البستان روتانا دبي
القائمة عندهم تبدأ من 140..ويسوون خصم للمواطنين 10% يعني تستوي القايمة ب 130 للشخص الواحد
وعندهم ب 150 و ب 160..وماعندي فكرة اذا رفعوا اسعارهم للسنة اليديدة..!
تضربين عدد الاشخاص المعزومين بقيمة المنيو اللي طلبتيه وتطلعلج التكلفة
اذا كانوا معازيمج 500 وفوق يعطونج غرفة يوم واحد وعشا للمعرس والعروس وكيكة العرس
اقل من 500 بس كيكة 
بالاضافة انه عندهم خدمة على الطاولات
واعتقد عندهم عروض فالصيف بس مب متاكدة من هالشي..!
فندق حياة ريجنسي
قايمة الاسعار عندهم 120 و130 لين 190 اعتقد..!
واذا ماكنتوا مواطنين يزيدون 10%..واذا مواطنين ماشي زيادة ال10% مالبلدية يعني اذا المنيو ب 120 يتم ب 120 للمواطن ولغير المواطن يستوي ب 130
اقل عدد يقبلونه للاعراس 500..يعني لو بتحجزين حق 450 شخص مابيوافقون
علشان تعرفين القيمة..تضربين قيمة المنيو بعدد المعازيم
ايام الاسبوع كلها من السبت للاربعاء تقدرين تحجزين 500 الى 650 شخص
واللي يبا يحجز ويكند..جمعة وخميس..لازم يكون عدد المعازيم فوق ال700
يعطونكم غرفة للمعاريس يوم واحد ويالعشا, وكيكة العرس وستيج و5 طاولات مجانا
بس على فكرة مافي خدمة عالطاولات الا بالطلب ويكلفون 10% من مجموع الحساب الكلي
فندق حياة جراند دبي..
مايعطون قاعة بني ياس الكبيرة الا اذا عازمة 700 وفوق..
ويعطونج القاعة الصغيرة لايام الاسبوع العادية اذا حاجزة اقل من 500..واذا بغيتي القاعة الصغيرة ويكند لازم معازيمج يكونون اكثر
المنيو عندهم يبدا من 160 درهم للشخص وشي ب 170 وب 180
و10% خصم للمواطنين..
وشي عندهم نظام بوفيه هو الاغلى, تقريبا الشخص ب 250 عشاه..
اما باقي الفنادق..تقدرين بس باتصال لمنظمين حفلات الزواج تسالينهم عن اسعار القوائم عندهم وتشوفين عدد معازيمج وبتعرفين التكلفة الكلية
برايي اشوف فندق حياة ريجسني الافضل..القاعة كبيرة وحلوة والسويت حلو وعالبحر وفندق معروف كل حد يدله بالاضافة لخدامتهم المختلفة بس عيبهم تحديد عدد المعازيم بحيث انه مايقل عن 500
والبستان وايد حلو ويعيبني واكلهم حلوو بس الاسعار مب حلوة 😛
لانه مقارنه بحياة ريجنسي..الجيمة اللي بتدفعينها للبستان على 400 شخص بدون سويت = الجيمة اللي بتدفعينها للريجنسي ل 500 شخص +50 شخص مجانا وسويت