شحالكم ، عسااكم بخير ..
بناات انا باجر بأذن الله بعزم ربيعاتي عندي بسسس ماعرف شو اقدم لهم و شو احط و شو اسووي
و نحن مب حريم كبار =$ يعني اعمارنا 19 ..
شو اللي لازم احطه و شو للي لازم يكون موجود
ممم
ابا اشيا سهله اسويهااا تكون بسيطه و مب ثجيله
ياليت تحطون لي رووابط مواضيع اوو انتو تعطوني اقتراحات اوو مقاادير حلوة
سويتات اوو سندويشات اوو كيكات اوو عصاير شي جي من هالقبيل =)
وهالعزيمه بتكوووون ع العشــآآ
بليز ساعدووني هذي اوول مره اعزم حد =$
يعني قبل سوالف جبس وحلويات و خلصنا الموضوع هع
بس اللحين لا تغير الوضع
و يزاكم الله خيـر
امممممم
انزيين سوويلهم سوويتات وفطااير والعشى يكون
شي خفييف سلطه وياا صينييه توست بالديااي شي نفس جي ومبياخذ من وقتج
وتستانسون ان شاء الله
هنييه للعشى
https://forum.uaewomen.net/showthread.php?t=578847
وهنييه الفطاير
https://forum.uaewomen.net/showthread.php?t=570663
وهنييه سويت وايد سهل
33 w7da shafo almwo’9o3 w mashe ‘3er rd 1 !!!
المقادير :
بسكويت شاي
كوب حليب طازج قليل او كامل الدسم
3 او 4 علب قشطة العلالي
سكر
ملعقة كبيرة بودرة الكاكاو العلبة البرتقاليه موجوده فالجمعيات منخوله
يتم خلط المقادير الثلاث مع بعضها البعض
الطريقة:
يتم تغميس البسكويت بالحليب ووضعه بالبايركس طبقه واحدة فقط
يوضع نسبة جيدة من خليط القشطة و السكر وبودة الكاكاو على البسكويت ومن ثم البسكويت حتى تتنتهين
وفي الاخير يوضع بقايا الخليط على الوجه ويزين بجوز الهند او الفستق او الكاكاو مثل ما تحبين
ويوضع فالثلاجه يوم كامل حتى يتماسك
وبالعافيه مقدما
شوفي حبيبتي
سوي دلال قهوه وشاي وشاي حليب او حليب زعفران
وسويت خفيف او تمر مغروز فيه توث بك لسهولة التناول ويا القهوه
اول ماييون وعقب ماتيلسون وتسولفون شوي قدمي السويت اوالتمر
وعقب ربع ساعه قدمي عصاير وتكونين مجهز صينيه كاسات العصير
وحطي على الطاوله مكسرات وحذالهن ملال صغار للي تبا منهن
والعشا
سوي معكرونه بالباشميل مثلا وطلبي محاشي عنب ..كوسا ..ملفوف
وعقب العشا تكونين مجهزه صينينه وفيها دلة ماي حار واكواب على عددكن حطي في صحن الكوب شاي اخضر
زين عقب العشا يهضم ويريح
والسويت اي شي خفيف
وسلمتي الغاليه
حلى البرتقال ( ترا شكله برتقال بس الطعم مافيه برتقال)
https://forum.uaewomen.net/showthread.php?t=534193
https://forum.uaewomen.net/showthread.php?t=534192
و المالح هذا نهووود كانت مسوتنه وايد حلو و مرتب
النسبه للطبق الأول ..
تقطعين خبز السلايس بشكل دائره وتفردينه بالنشابه .. تحطينه في صينية الكب كيك بيستوي شكله مثل الصحن مثل ما تشوفين في الصوره وتدخلينه الفرن لين ما ييبس .. وبعد ما تطلعينه من الفرن تحشينه بأي حشو تحبين ..
أما اللي ع اليمين تقطعين اطراف السلايس وتفردينه بالنشابه وتحطين فيه الحشو وتلفينه وتربطينه ببصل أخضر .. اللي ع اليمين فول هرسته وحطيت فيه ملح وفلفل اسود وكمون وملح الليمون واللي ع اليسار تونه خلطته ويا ميونيز وليمون وملح وفلفل اسود وزينته بالخس والزيتون الأسود
شوفي هالموضوع بيفيدج
https://forum.uaewomen.net/showthread.php?t=496906
سلطااات
يا فته
جربي طريقتي وايد حلوه بعد
فتة باذنجان
هذي صور لي بموضوع ريوقنا وغذانا وعشانا
اول شي المقادير
2 باذنجان مقطع مكعبات
2 بطاط مقطع مكعبات
عصير 1 طماطم وياه فص ثوم صغيروني اذا تبين اكثر ثوم ممكن تزيدين وبعد تحطين وياه نص حبه ماجي هذا كله بالخلاط (طماط ,,, ثوم ,,, ماجي)
خبز مقطع مربعات يفضل ماتفتحين خبزه قطعيها وهو مصكر يكون احلى
2 روب مخلوط وياه طحينيه جاهزه تقريبا ملعقتين مليانات وياه عصير نص ليمونه —-> شوفي انتي تقدرين تتحكمين بهالخلطه اطعميه شوفي كيف بيطلع طعمه مهم نفس طعم صوص مال سندويشات المطاعم
نعناع مقطع صغار او بقدونس ع راحتج
لو تبين بعد صنوبر لزينه
اول شي نقلي ببطاط ونخلص نحطه بورق زيت
عقب نقلي باذنجان ونخلص نحطه بورق زيت
عقب الخبز ونخلص نحطه بورق زيت
اذا بتسوين صنوبر قليه بعد بس شوي لان بسرعه بيحمر
الحين تيبين صحن التقديم
تحطين طبقه بطاط صبي صووص الطماط عقب باذنجان صبي صوص لين تخلصين من بطاط و باذنجان
اخر شي صبي صوص الطحينه
و عليه الخبز و الصنوبر
وفوقهم النعناع او البقدونس
يا هالسلطه
سلطه الناشوز
https://forum.uaewomen.net/showthread.php?t=502397
سيزر سلط لازم الخس يكون امريكي مب العادي
https://forum.uaewomen.net/showthread.php?t=420630
او صالوه بتر جكن تأكلونه ويا خبز
https://forum.uaewomen.net/showthread.php?t=474130
